ན་གཞོན་ཅིག་གིས་ མཐའ་ཁོར་མཐུན་འགྱུར་གྱི་ཐབས་ཤེས་ཚུ་ དབུ་ཁྲིདཔ་ཚུ་གིས་ར་བཏོན་དགོཔ།

སྤྱི་ཟླ་༩ པའི་ཚེས་ ༢༥ ༢༠༡༩

༉ འཛམ་གླིང་སྤྱིཚོགས་ཀྱི་ གནམ་གཤིས་དང་ལེན་གྱི་ ཞལ་འཛོམས་ཚོགས་པའི་སྐབས་ མ་འོངས་པའི་མི་རབས་ཚུ་གིས་ འཛམ་གླིང་ནང་གི་དབུ་ཁྲིད་ཚུ་གིས་ མཐའ་འཁོར་བཙོག་པ་བཟོ་མི་འདི་ ཁོང་ཆ་ཁྱབ་ཀྱིས་ར་ ལེགས་ཤོམ་སྦེ་སིང་སང་ས་བཟོ་ནི་དོན་ལུ་ ཁག་ཆེ་བའི་ལཱ་ལེ་ཤ་འབད་དགོཔ་སྦེ་ ཁོ་འདོད་བསྐྱེདཔ་ཨིན་མས།

འདི་བསྒང་ སུ་དྷཎ་་རྒྱལ་ཁབ་ནང་ལས་ གནམ་གཤིས་འགྱུར་བ་ལུ་བརྩོན་ཤུགས་བསྐྱེད་མི་ སྐྱེས་ལོ་༡༦་ལང་མི་ གྷིར་ཏ་ཐཎ་བར་གྱིས་སླབ་མི་ནང་ འཛམ་གླིང་ནང་གི་དབུ་ཁྲིདཔ་ཚུ་གིས་ གཙང་སྦྲ་དང་ལྡན་པའི་ འཛམ་གླིང་ནང་ལུ་སྡོད་ནི་གི་དོན་ལུ་ མ་འོངས་པའི་མི་རྒྱུད་ཚུ་གི་དོན་ལུ་ཡང་ བགོ་བཤའ་འདྲ་མཉམ་སྦེ་ བཞག་གནང་ཟེར་བཤད་ཅི།

དརུང་ གྷིར་ཏ་གིས་སླབ་མི་ནང་ འཛམ་གླིང་ནང་གི་འགོ་ཁྲིདཔ་ཚུ་གིས་ མ་འོངས་པའི་མི་རྒྱུད་ཚུ་ གཙང་སྦ་དང་ལྡན་པའི་ འཛམ་གླིང་ནང་ལུ་སྡོད་མི་བཅུག་ནི་གི་ ལཱ་འབད་དོ་ཡོདཔ་ལས་ འདི་ཚུ་གིས་དོན་ལུ་ ལཱ་འབད་ནི་ནང་ འཐུས་ཤོར་དོ་ཡོདཔ་སྦེ་ཨིན་མས།

འདི་བཟུམ་སྦེ་ གྷིར་ཏ་གིས་སླབ་མི་ནང་ འཛམ་གླིང་ནང་གི་འགོ་ཁྲིདཔ་ཚུ་གིས་ མི་ཚུ་གིས་སེམས་ཚུ་ ཚིགས་ཙམ་གྱི་མ་ལྷུ་བར་ ད་རེས་ཡོད་པའི་སྲིད་བྱུས་ཚུ་ ག་ཏེ་ཡང་མཐོང་ནི་མེདཔ་སྦེ་མེན་པར་ ཐབས་ལམ་ཚུ་བཏོན་ཏེ་ ཁག་ཆེ་བའི་ལཱ་ལེ་ཤ་ཅིག་ར་ འབད་དགོཔ་འདུག་ཟེར་བཤད་ཅི།

མོ་གིས་འབད་བ་ཅིན་ འཛམ་གླིང་ནང་གི་ཚ་དྲོད་ ཌིགིརི་སེལ་ཤི་ཡཱསི་ཕྱེ་ད་༢་ལུ་ མར་ཕབ་འབད་ནི་སྦེ་ ཁས་བླངས་འབད་མི་གི་ཐད་ཁར་ མོ་དང་འདྲ་སྡེ་གི་མི་རབས་ཚུ་ལུ་ སྐྱེ་ལྡན་གནས་སྟངས་གི་རིམ་ལུགས་འདི་ ཡུན་བརྟན་སྦེ་གནས་ཚུགས་པའི་ རེ་འདོད་མེདཔ་སྦེ་ཨིན་མས།

འདས་པའི་བདུན་ཕྲག་ནང་ལུ་གྷིར་ཏ་གིས་ ཡུ་ཀཱེ་ལས་ནིའུ་ཡོག་ལུ་ འཛམ་གླིང་སྤྱི་ཚོགས་ཀྱི་གནམ་གཤིས་དང་ལེན་གྱི་ཞལ་འཛོམས་ནང་ལུ་ གྲལ་ཁར་གཏོགས་པ་འགྱོ་ནི་གི་དོན་ལས་ ནག་རླུང་རྩ་ལས་འཐོན་ནི་མེད་པའི་ གྲུ་ནང་ལུ་འཛུལ་འགྱོ་བའི་སྐབས་ བདུན་ཕྲག་༢་རྩིས་ འགོར་ཡོདཔ་ཨིན་མས།

གྷིར་ཏ་ཐཎ་བརགཡིས་ གནམ་གཤིས་དང་མཐུན་འགྱུར་གྱི་ལཱ་ཚུ་ འགོ་དང་པ་ར་ འདས་པའི་ལོ་༡་གི་ཧེ་མ་ སུ་དྷཎ་ལུ་ མོ་ར་རྐྱངམ་གཅིག་གིས་སྦེ་ འབད་ནི་འགོ་བཙུགས་ནུག

ལཱ་འདི་འབད་སྡོད་པའི་བར་ན་ འཛམ་གླིང་ནང་གིས་ ཨ་ལུ་ས་ཡ་ལས་བཅད་མི་ཚུ་གིས་ གནམ་གཤིས་འགྱུར་བ་གི་ དང་ལེན་འབད་ནི་ནང་ དང་འདོད་བསྐྱེད་དེ་ སྤྲོ་བ་ལེན་མི་ཚུ་ འཐོན་ཡོདཔ་ཨིན་མས།