རྫོང་ཁ། | ཨིང་ལིཤ། གཟའ་མིག་དམར། ༢༠༡༨ ཟླ་༦ པའི་སྤྱི་ཚེས་༡༨

མཐའ་འཁོར།

ཐིམ་ཕུག་ལུ་ འཛམ་གླིང་རི་དྭགས་ཀྱི་ཉིནམ་ བརྩི་སྲུང་།

༉ ཐིམ་ཕུག་རྡོ་གདན་ན་ལུ་སྦེ་ ཁ་ཉིནམ་ འཛམ་གླིང་རི་དྭགས་ཀྱི་ཉིནམ་དང་འབྲེལ་ གཅན་གཟན་སྟག་ སྲུང་སྐྱོབ་འབད་དགོཔ་ཁག་བའི་སྐོར་ལས་ གཙོ་བོར་བསྟེན་ཏེ་ བརྩི་སྲུང་འབད་ཡི།

ཁྲུམ་སིང་ལ་གླིང་ག་གི་ འཛིན་སྐྱོང་གི་འཆར་གཞི་ཚུ་ ལག་ལེན་འཐབ་མ་ཚུགས་པར་ཡོདཔ།

༉ ཁྲུམ་སིང་ལ་གླིང་ག་གི་ འཛིན་སྐྱོང་གི་འཆར་གཞི་ཚུ་ ལོ་བརྒྱད་ཀྱི་ནང་འཁོད་ལུ་ བརྒྱ་ཆ་༢༠་ལས་༣༠་གི་བར་ན་རྐྱངམ་ཅིག་ ལག་ལེན་འཐབ་ཡོདཔ་ཨིན་མས།

མདོ་སྡེ་བྲག་དགོན་པའི་དགེ་སློང་ཚུ་གིས་ ཐིམ་ཕུག་ཀུན་གསལ་ཕོ་བྲང་ནང་ལུ་ ཕྱགས་དར་གྱི་ལས་རིམ་ འགོ་འདྲེན་འཐབ་ཡོདཔ།

༉ ཨ་རྟག་རང་ དུས་སྟོན་བརྩི་སྲུང་འབད་ཚར་བའི་ཤུལ་ལས་ དུས་སྟོན་འགོ་འདྲེན་འཐབ་སའི་ ས་སྒོ་འདི་ནང་ལུ་ ཕྱགས་སྙིགས་ཚུ་ལེ་ཤ་སྦེ་ བཀང་སྟེ་བཞག་དོ་ཡོདཔ་ཨིན་མས།

བཙོག་རླུང་དང་མར་ཁུ་ནང་འདྲེན་ མར་ཕབ་འབད་ཐབས་ལུ་ གློག་བརྟེན་སྣུམ་འཁོར་ལག་ལེན།

༉ རྒྱལ་ཁབ་ནང་གི་ སྐྱེལ་འདྲེན་ལས་སྡེ་ནང་ མར་ཁུ་ལུ་བརྟེན་མི་འདི་ ཡར་སེང་འགྱོ་མི་དང་འབྲེལ་ཏེ་ གཞུང་གིས་ ད་ལས་ཕར་ ལོ་༣གི་ནང་འཁོད་ལུ་ བཙོག་རླུང་ཉུང་བའི་ ཁྲོམ་སྡེའི་སྐྱེལ་འདྲེན་ལམ་ལུགས་འདི་ འགོ་བཙུགས་ནི་ཨིན་མས།

བསམ་གྲུབ་ལྗོངས་མཁར་ལུ་ ཕྱགས་སྙིགས་དང་འབྲེལ་བའི་ ཉེས་བྱ་བཀལ་ནི་ཨིན།

༉ བསམ་གྲུབ་ལྗོངས་མཁར་ལུ་ ད་ལས་ཕར་ ཆུ་ནང་ལས་ཕར་ ཕྱགས་སྙིགས་ཀྱི་རིགས་ཚུ་བཀོ་སྟེ་ ཁམས་ལོག་སི་སི་བཟོ་མི་ཚུ་ ཁྲིམས་འགལ་གྱི་བྱ་ངན་སྦེ་རྩིས་ཏེ་ ཉེས་བྱ་དམ་དམ་སྦེ་ར་བཀལ་ནི་ཨིན་མས།

བླམ་དཔལ་རི་ལུ་ཡོད་པའི་ རྒྱལ་གཞུང་སྐྱེས་ཚལ་གླིང་ག་གིས་ ཕྱགས་སྙིགས་ཀྱི་གོ་བརྡའི་ལས་རིམ།

༉ མི་དམངས་ལུ་ ཕྱགས་སྙིགས་འཛིན་སྐྱོང་དང་ བཅའ་ཡིག་དང་སྒྲིག་གཞི་ཚུ་གི་སྐོར་ལས་ གོ་བ་བརྡ་སྤྲོད་འབད་ཐབས་ལུ་ བླམ་དཔལ་རི་ལུ་ཡོད་པའི་ རྒྱལ་གཞུང་སྐྱེས་ཚལ་གླིང་ག་གིས་ འདས་པའི་གཟའ་ཉིནམ་གི་ཚེས་ ཉིནམ་གཅིག་གི་རིང་ གོ་བརྡའི་ལས་རིམ་ཅིག་ འགོ་འདྲེན་འཐབ་ནུག

བསམ་གྲུབ་ལྗོངས་མཁར་ལུ་ ཕྱགས་སྙིགས་ཚུ་གིས་བཟོ་མི་ཐོན་སྐྱེད་ཚུ་ ཚོང་འབྲེལ་ལེགས་ཤོམ་མེདཔ།

༉ བསམ་གྲུབ་ལྗོངས་མཁར་ལུ་ ཆུ་ཤོག་གི་ཕྱགས་སྙིགས་ལས་ ཐོན་སྐྱེད་ཚུ་བཟོ་མི་ལས་སྡེ་ཅིག་ འགོ་བཙུགས་ཏེ་ཡོད་མི་འདི་ལུ་ ཐོན་སྐྱེད་འདི་ཚུ་ ཚོང་འབྲེལ་འཐབ་ནི་ནང་ གདོང་ལེན་བྱུང་སྟེ་ཡོདཔ་ཨིན་མས།

རུལ་བཏུབ་པའི་བགོ་ལ་ འགོ་དང་པ་བཏོན་ཏེ་ཡོདཔ།

༉ མཐའ་འཁོར་ལུ་ གནོད་པ་མར་ཕབ་འབད་ནི་ལུ་ བརྩོན་ཤུགས་བསྐྱེད་མི་དང་འབྲེལ་ ཚོང་ལཱ་འབད་མི་ཅིག་ཨིན་མི་ ཅཱནད་རི་ཀ་ཏཱ་མང་གིས་ མཐའ་འཁོར་ལུ་གནོད་པ་མེདཔ་སྦེ་ རུལ་བཏུབ་པའི་ བགོ་ལ་ འགོ་དང་པ་ཚུ་ བཏོན་ཡོདཔ་ཨིན།

བསམ་གྲུབ་ལྗོངས་མཁར་ལུ་ ཆུ་ཤོག་ལག་ལེན་ མར་ཕབ་འབད་ནིའི་ལས་རིམ།

༉ བསམ་གྲུབ་ལྗོངས་མཁར་གྱི་ ཚོད་བསྲེ་ཁྲོམ་ཁ་ལུ་ ཆུ་ཤོག་ལག་ལེན་ མར་ཕབ་འབད་ནིའི་ ལས་རིམ་ཅིག་འགོ་བཙུགས་མི་འདི་ མཐར་ཁྱོལ་ཅན་ཅིག་སྦེ་འཐོན་ཏེ་འདུག

ཕྱགས་སྙིགས་འཛིན་སྐྱོང་འཐབ་སྟེ་ མི་སྡེའི་ནང་ལུ་ འོང་འབབ་ བཟོ་ཚུགས་དོ་ཡོདཔ།

༉ ཕྱགས་སྙིགས་འཛིན་སྐྱོང་འཐབ་ནི་འདི་ མཐའ་འཁོར་གཙང་སྦྲ་དང་ལྡནམ་སྦེ་བཞག་ནི་རྐྱངམ་ཅིག་མེན་པར་ བློ་རིག་གི་ཐོག་ལས་ལཱ་འབད་དེ་ འཛིན་སྐྱོང་འཐབ་པ་ཅིན་ མི་སྡེ་ནང་ལུ་ འོང་འབབ་བཟོ་ནི་གི་ གཞི་ཅིག་ཡང་ཨིན་མས།