| རྫོང་ཁ། | ཨིང་ལིཤ། | གཟའ་པ་སངས། ༢༠༡༩ ཟླ་༡༡ པའི་སྤྱི་ཚེས་༢༡ |
བསད་ཡོད་པའི་༉ དགེ་ལེགས་ཕུག་གི་ཁྲིམས་སྲུང་འགག་པ་གིས་ སྐྱེས་ལོ་༡༩ལང་མི་ཕོ་སྐྱེས་གཅིག་ལུ་ སྐྱེས་ལོ་༧ལང་མི་བུཚ་གཅིག་ བསད་ཡོད་པའི་དོགས་པ་ལས་བརྟེན་ཏེ་ དོ་དམ་འོག་ལུ་བཞག་སྟེ་འདུག
༉ བཀྲིས་གཡང་རྩེ་ འབུམ་སྡེ་གླིང་གི་རྒཔོ་འདི་ སྐྱེས་ལོ་༡༦ལང་མི་བུམོ་ཅུང་གཅིག་ལུ་ དབང་བཙོང་འདོད་སྤྱོད་འབད་ཡོད་པའི་ དོགས་པ་ལས་བརྟེན་ཏེ་ དོ་དམ་འོག་ལུ་བཙུགས་ནུག
༉ གསར་སྤང་རྫོང་ཁག་ཁྲིམས་ཀྱི་འདུན་ས་ལས་ སྐྱེ་ལོ་༣༥་ལང་མི་ཕོ་རྒས་ཅིག་ལུ་ ཁྲིམས་ལྟར་དུས་མིན་བཙན་གཡེམ་འབད་ཡོད་པའི་ཉེས་པ་ལུ་བརྟེན་ གཟའ་ལྷགཔ་གི་ཚེས་ བཙོན་ཁྲིམ་ལོ་༡༥་གི་ འཁྲུན་ཆོད་བཏོན་ཏེ་འདུག
༉ ཐིམ་ཕུག་གི་ཁྲིམས་སྲུང་འགག་པ་གིས་ ཁ་ཙ་ཕྱི་རུ་ སྐྱེས་ལོ་ ༢༦ ལང་མི་ཕོ་སྐྱེས་ཅིག་གིས་ སྐྱེས་ལོ་ ༢༠ ལང་མི་སློབ་ཕྲུག་ཅིག་ལུ་ གྱི་བླུགས་བྱིན་ཡོད་པའི་དོགས་པ་ལུ་བརྟེན་ བཟུང་ཡོདཔ་ཨིན་མས།
༉ ཆེ་མཐོ་ཁྲིམས་ཀྱི་འདུན་ས་ལས་ ཁྲལ་ལས་ཟུར་ཐབས་འབད་བའི་ཉེས་པ་ལུ་བརྟེན་ ཕུན་ཚོགས་གླིང་ལུ་ཡོད་པའི་ ཇེ་པི་ཨེལ་པི་ ཚོང་ལས་ཁང་གི་ཇོ་བདག་ རྒྱ་གར་གྱི་ཕོ་རྒས་ཅིག་ལུ་ ད་རིས་ བཙོན་ཁྲིམས་ལོ་༥་གི་ འཁྲུན་ཆོད་བཏོན་ཡོདཔ་ཨིན་མས།
༉ རྩི་རང་ལས་ སྐྱེས་ལོ་༤༢ ལང་ཡོད་མི་ཕོ་སྐྱེས་གཅིག་ ཏམ་ཁུ་ཚད་གཞི་ལས་བརྒལ་ཏེ་ འབག་ཡོད་མི་ལུ་བརྟེན་ རྩི་རང་གི་ཁྲིམས་སྲུང་འགག་པ་གིས་ དོ་དམ་འོག་ལུ་བཞག་ནུག
ཁ་ཉིནམ་ ཕུན་ཚོགས་གླིང་གི་ཁྲིམས་སྲུང་འགག་པ་གིས་ བཀག་བསྡམ་འབད་དེ་ཡོད་པའི་ སྨྱོ་རྫས་ཀྱི་རིགས་ཚུ་ ནག་ཚོང་འཐབ་ཡོད་པའི་དོགས་པ་ལུ་བརྟེན་ དབང་འདུས་ཕོ་བྲང་ལས་ སྐྱེས་ལོ་༢༨ ལང་ཡོད་མི་ ཕོ་སྐྱེས་གཅིག་ རིན་ཆེན་ལྡིང་ ཁྲིམས་སྲུང་ཞིབ་དཔྱད་སྒོ་ར་ནང་ལས་བཟུང་ནུག
༉ རྒྱ་གར་གྱི་ཁྲིམས་སྲུང་འགོ་དཔོན་ཚུ་གིས་ གསེར་ནག་ཚོང་འཐབ་ནི་གི་ དཔའ་བཅམ་ཡོད་པའི་ དོགས་པ་ལུ་བརྟེན་ འབྲུག་པའི་ཕོ་སྐྱེས་༤ བཟུང་སྟེ་སྦེ་ཡོདཔ་ཨིན་མས།
༉ ཐིམ་ཕུག་གི་ཁྲིམས་སྲུང་འགག་པ་གིས་ གཟའ་ལྷགཔ་གི་ཚེས་ སྐྱེས་ལོ་༢༤ ལང་མི་ཨམ་སྲུ་གཅིག་ལུ་ གྱི་གསོབ་བྱིན་ཡོད་པའི་དོགས་པ་ལུ་བརྟེན་ སྤུ་ན་ཁ་ལས་ སྐྱེས་ལོ་༢༥ ལང་མི་ཕོ་སྐྱེས་གཅིག་ དོ་དམ་འོག་ལུ་བཞག་སྟེ་སྦེ་འདུག
༉ སྤུ་ན་ཁ་རྫོང་ཁག་ཁྲིམས་ཀྱི་འདུན་ས་ལས་ སྐྱེས་ལོ་ ༢༩ ལང་མི་ ཕོ་སྐྱེས་གཅིག་ལུ་ སྐུ་སྲུང་ཐུགས་རྟེན་ཨརཝ་བརྐུ་མི་དང་ ཅ་རྙིང་ཚུ་བཙོངས་ཡོད་པའི་ཉེས་པ་ལུ་བརྟེན་ འདས་པའི་གཟའ་ལྷགཔ་གི་ཚེས་ བཙོན་ཁྲིམས་ལོ་ ༣༠ གི་ འཁྲུན་ཆོད་བཏོན་ཏེ་འདུག