༉ ཕུན་ཚོགས་གླིང་གི་ ནདཔ་ལོགས་སུ་སྦེ་བཞག་སའི་ས་སྒོ་ནང་ལས་ ད་རིས་ ནད་ཡམས་ཀོ་ཝིཊ་ནའིན་ཊིན་ཐོབ་མི་ ཨམ་སྲུ་གཅིག་ལུ་ ཤི་རྐྱེན་བྱུང་ནུག
སྐྱེས་ལོ་༨༢ལང་མི་ ནདཔ་ཨམ་སྲུ་འདི་ཡང་ བསམ་རྩེ་རྫོང་ཁག་འོག་གི་ ཕུན་ཚོགས་དཔལ་རི་ལས་ཨིན་མས།
གསོ་བའི་ལྷན་ཁག་དང་འཁྲིལ་བ་ཅིན་ ཚེ་འདས་ཨམ་སྲུ་འདི་ལུ་ ནད་ཡམས་ཀྱི་མ་དོ་བར་ དོན་ཧིང་གི་ནད་གཞི་དང་ དབུགས་གཏོང་ལེན་ དེ་ལས་ ཁྲག་ཤུགས་དང་གུ་རམ་གྱི་ནད་གཞི་ཚུ་ཡང་ སྡོད་ནུག་ཟེར་ཨིན་མས།
འདི་བཟུམ་སྦེ་ ཚེ་འདས་ཨམ་སྲུ་འདི་གིས་ ནད་ཡམས་ཀོ་ཝིཊ་ནའིན་ཊིན་གྱི་སྨན་ཁབ་ཡང་ མ་རྐྱབ་པས་ཟེར་བཤད་ཅི།
རྒྱལ་ཁབ་ནང་ལུ་ ད་ལྟོ་ཚུན་ཚོད་ ནད་ཡམས་ཐོབ་མི་༢༣༠༠ལྷགཔ་ཅིག་འབད་ས་ལས་ མི་གཉིས་ལུ་ ཤི་རྐྱེན་བྱུང་སྟེ་ཡོདཔ་ཨིན།
ནད་ཡམས་ལས་བརྟེན་ཏེ་ འགོ་དང་པ་རང་ དུས་ཅི་ སྤྱི་ཟླ་དང་པའི་སྤྱི་ཚེས་༧ལུ་ སྐྱེས་ལོ་༣༤ལང་མི་ཕོ་སྐྱེས་གཅིག་ལུ་ ཤི་རྐྱེན་བྱུང་སྟེ་ཡོདཔ་ཨིན།