༉ ད་རེས་ནངས་པ་ འགོ་འདྲེན་འཐབ་པའི་བསྒང་རང་ཡོད་མི་ བུ་ཊན་པི་མིར་ལིག་རྐང་རྩེད་འགྲན་བསྡུར་ནང་ལུ་ ཐིམ་ཕུག་སི་ཊི་ཨེཕ་སི་དང་ སྤ་རོ་ཨེཕ་སི་གཉིས་འདི་ གནས་རིམ་དང་པ་ནང་ལུ་ཚུད་དེ་འདུག
ཁོང་རྐང་རྩེད་སྡེ་ཚན་གཉིས་ཀྱིས་ གནས་རིམ་དང་པ་ནང་ལུ་ལྷོད་མི་འདི་ཡང་ ད་ལྟོ་ཚུན་ཚོད་ རྩེད་འགྲན་ཚུ་གི་ནང་ལས་ རྒྱལ་ཁ་ཐོབ་ཐོབ་ས་རང་ ཡོད་ནི་འདི་གིས་ཨིན་མས།
ཐིམ་ཕུག་སི་ཊི་ཨེཕ་སི་གིས་ ད་ལྟོ་ཚུན་ཚོད་ གཱོལ་༢༧བཙུགས་ཏེ་ཡོདཔ་ལས་ གཱོལ་མཐོ་ཤོས་བཙུགས་མི་གི་སྡེ་ཚན་ཅིག་སྦེ་ཡང་ འཐོན་ཏེ་འདུག
ན་ཧིང་གི་ བུ་ཊན་པི་མིར་ལིག་གི་རྐང་རྩེད་འགྲན་བསྡུར་ནང་ལས་ རྒྱལ་ཁ་ཐོབ་མི་ ཐིམ་ཕུག་སི་ཊི་ཨེཕ་སི་གིས་རྒྱལ་ཁ་ཐོབ་ནུག
ཐིམ་ཕུག་སི་ཊི་ཨེཕ་སི་དང་ སྤ་རོ་ཨེཕ་སི་གི་འོག་ལས་རང་ ཊརནསི་པོརཊ་ཡུ་ནའི་ཊེད་ཨེཕ་སི་ཡོདཔ་ཨིན་མས།
དུས་ཅི་ བུ་ཊན་པི་མིར་ལིག་གི་རྐང་རྩེད་འགྲན་བསྡུར་འདི་ནང་ལུ་ སྤ་རོ་དང་ཐིམ་ཕུག་ དེ་ལས་ སྤུ་ན་ཁ་དང་དགེ་ལེགས་ཕུག་ལས་ སྡེ་ཚན་༡༠གྱིས་ དོ་འགྲན་འབད་བའི་བསྒང་རང་ཡོདཔ་ཨིན།
