རྫོང་ཁ། | ཨིང་ལིཤ། གཟའ་ཉི་མ། ༢༠༢༡ ཟླ་༧ པའི་སྤྱི་ཚེས་༢༤

གནས་ཚུལ་གལ་ཅན།

མི་དབང་རྒྱལ་ཡུམ་སྐུ་བགྲེས་མཆོག་གིས་ སྤུ་ན་ཁ་རྫོང་ནང་ལུ་ གློག་མེ་གི་མཐུན་རྐྱེན་གསརཔ་བཙུགས་ཚར་བའི་རྟེན་འབྲེལ་ནང་ལུ་ དབུ་བཞུགས་གནང་ཡོདཔ།

༉ མི་དབང་རྒྱལ་ཡུམ་སྐུ་བགྲེས་ ཨ་ཞེ་སྐལ་བཟང་ཆོས་སྒྲོན་དབང་ཕྱུག་མཆོག་གིས་ ཁ་ཙ་ སྤུ་ན་ཁ་རྫོང་ནང་ལུ་ གློག་ཐག་གསརཔ་ཚུ་བཙུགས་ཚར་བའི་རྟེན་འབྲེལ་ནང་ལུ་ དབུ་བཞུགས་མཛད་གནང་ཡི།

དར་ལ་གློག་མེ་འཕྲུལ་ཁང་ གཡོག་བཀོལ་མ་ཚུགས་པར་ཡོདཔ།

༉ ཆུ་ཁ་ལུ་ གློག་ཤུགས་མེ་ག་ཝཊ་༡༠༢༠འབད་མི་ དར་ལ་གློག་མེ་ལས་འགུལ་གྱི་ འཕྲུལ་ཨམ་༦འདི་ ཁ་ཙ་དྲོ་པ་ལས་ གཡོག་བཀོལ་མ་ཚུགས་པར་ ཡོདཔ་ཨིན་མས།

ཕུན་ཚོགས་གླིང་ལུ་ ཁབ་ཐེངས་༢པ་བཙུགས་ནི་འགོ་བཙུགས་ཡོདཔ།

༉ ཕུན་ཚོགས་གླིང་ལུ་ ད་རིས་ལས་ ནད་ཡམས་བཀག་ཐབས་ཀྱི་ སྨན་ཁབ་བཙུགས་ནི་འགོ་བཙུགས་ཡོདཔ་ལས་ མི་སེར་ཚུ་ སེམས་དགའ་སྟེ་འདུག

ཏམ་ཁུ་དམ་འཛིན་གྱི་འཕྲི་སྣོན་དཔྱད་ཡིག་ འཕྲལ་མཁོའི་དཔྱད་ཡིག་སྦེ་ གསུངས་གྲོས་གནང་ནི་ཨིནམ།

༉ རྒྱལ་ཡོངས་ཚོགས་འདུ་གིས་ ད་རིས་ ཉི་མའི་ཚོགས་བཞུགས་ནང་ལུ་ ཏམ་ཁུ་དམ་འཛིན་གྱི་ འཕྲི་སྣོན་དཔྱད་ཡིག་༢༠༢༡ཅན་མ་འདི་ འཕྲལ་མཁོའི་དཔྱད་ཡིག་སྦེ་ གསུང་གྲོས་གནང་ནི་ཟེར་ གྲོས་ཐག་བཅད་དེ་ཡོདཔ་ཨིན།

གནམ་སྟོང་འཆར་གཞི་གི་དཔྱད་ཡིག་ དགུན་གྱི་ཚོགས་ཐེངས་ནང་ ཕུལ་ཚུགས་པའི་རེ་བ།

༉ ཞབས་ཏོག་ལྷན་ཁག་གིས་ འབྲུག་གི་གནམ་སྟོང་འཆར་གཞི་གི་དཔྱད་ཡིག་ ༢༠༡༩ ཅན་མ་འདི་ གནམ་དགུན་གྱི་ཚོགས་ཐེངས་ནང་ལུ་ གསུང་གྲོས་གནང་ནི་གི་དོན་ལས་ ཕུལ་ཚུགས་པའི་རེ་བ་སྐྱེདཔ་ཨིན་མས།

ཏམ་ཁུའི་ཐོན་སྐྱེད་ཚུ་གུ་ བཙོང་ཁྲལ་མེདཔ་སྦེ་བཟོ་དགོ་པའི་གྲོས་འདེབས།

༉ དངུལ་རྩིས་བློན་པོ་གིས་ ད་རིས་ རྒྱལ་ཡོངས་ཚོགས་འདུ་ནང་ལུ་ གནས་སྐབས་ཀྱི་ཐབས་ཤེས་བཟུམ་ཅིག་སྦེ་ ཏམ་ཁུ་དང་ཏམ་ཁུའི་ཐོན་སྐྱེད་ཚུ་གུ་ བཙོང་ཁྲལ་བརྒྱ་ཆ་ལས་བརྒྱ་ བཀལ་དོ་ཡོད་མི་འདི་ མེདཔ་སྦེ་བཟོ་དགོ་པའི་ གྲོས་འདེབས་ཕུལ་ཡོདཔ་ཨིན།