བློན་ཆེན་གྱིས་ ཞབས་སྟོང་སྦེ་ ཞལ་འཛོམས་ནང་ལུ་ གྲལ་བཞུགས་གནང་པར་འབྱོན་ཡོདཔ།

སྤྱི་ཟླ་༩ པའི་ཚེས་ ༢༥ ༢༠༡༩

༉ གཞུང་གི་དབུ་ཁྲིདཔ་གིས་ ཕྱིའི་རྒྱལ་ཁབ་ཚུ་ནང་ལས་ཕར་ སྲུང་སྐྱོབ་ག་ནི་ཡང་མེད་པར་ ཞབས་སྟོང་སྦེ་འབྱོན་སར་འཇལ་ནི་འདི་ དཀོན་སུ་ཅིག་ཨིན་རུང་ བློན་ཆེན་ ཌོག་ཊར་བློ་གྲོས་ཚེ་རིང་དང་ འབྲུག་པའི་འཐུས་མི་སྡེ་ཚན་ཚུ་གིས་ འཛམ་གླིང་གསོ་བའི་ཁྱབ་ཚད་ཀྱི་གནད་དོན་ཐོག་ལུ་ ཆེ་མཐོའི་གནས་ཚད་ཀྱི་ཞལ་འཛོམས་དང་ གནམ་གཤིས་དང་ལེན་གྱི་ཞལ་འཛོམས་ནང་ གྲལ་བཞུགས་གནང་ནི་དོན་ལུ་ འཛམ་གླིང་སྤྱི་ཚོགས་ཀྱི་ཡིག་ཚང་ལྟེ་བ་ཚུན་ ཞབས་སྟོང་སྦེ་འབྱོན་ནུག

བློན་ཆེན་ཡིག་ཚང་གི་ གཞུང་འབྲེལ་གྱི་མི་སྡེ་བརྡ་བརྒྱུད་ཕེས་བུག་ནང་ བློན་ཆེན་གྱིས་བཀོད་ཡོད་མི་དང་འཁྲིདཔ་ད་ ཁོ་ར་ གསོ་བ་དང་གནམ་གཤིས་ཀྱི་སྐོར་ལས་ གསུང་གྲོས་གནང་པར་འབྱོན་པའི་སྐབས་ སྣུམ་འཁོར་ནང་འགྱོ་ནི་འདི་ མ་བདེ་ཁག་ཁ་སྦེ་འཚོར་ནི་འདི་གིས་ཨིནམ་སྦེ་ འཁོད་དེ་འདུག

ད་རེས་ བློན་ཆེན་འདི་ཡང་ ནིའུ་ཡོག་ལུ་ འཛམ་གླིང་སྤྱི་ཚོགས་ཀྱི་ཡོངས་ཁྱབ་ཞལ་འཛོམས་ཐེངས་༧༤པའི་ནང་ གྲལ་གཞུགས་གནང་པའི་བསྒང་རང་ཡོདཔ་ཨིན།