གཞལ་སྒང་ལུ་ ས་སྣུམ་གི་གོང་ཚད་ཚུ་ དུམ་གྲ་ཅིག་ཐོ་དོ་ཡོདཔ།

སྤྱི་ཟླ་༩ པའི་ཚེས་ ༢༥ ༢༠༡༩

༉ གཞལ་སྒང་རྫོང་ཁག་ནང་ སྣུམ་འཁོར་བཏང་མི་ཚུ་གིས་བཀོད་མི་ནང་ ས་སྣུམ་གི་གོང་ཚད་ཚུ་ གཞན་མི་རྫོང་ཁག་ཚུ་དང་འཕྱདཔ་ད་ ཕྱེད་ཀྲམ་དག་པ་ཅིག་གིས་ མཐོ་དོ་ཡོདཔ་ཨིན་རུང་ རྫོང་ཁག་འདི་ དགེ་ལེགས་ཕུག་ཁྲོམ་སྡེ་གི་ སྦོ་ལོགས་ཁར་ར་འབདཝ་ལས་ འདྲ་མཉམ་མིན་འདུག་ཟེར་བཤད་ཅི།

རྫོང་ཁག་འདི་ནང་ལུ་ ས་སྣུམ་གྱི་ཁོང་ཚད་ལུ་བལྟ་སྟེ་ ས་གནས་འདི་ཁར་སྡོད་མི་དང་ གཞལ་སྒང་བརྒྱུད་དེ་ རྒྱུན་འགྲུལ་འཐབ་མི་ཚུ་ རྣམ་རྟོག་ལང་དགོཔ་འཐོན་ཏེ་འདུག

འདི་ཡང་ ཁོང་ཆ་ཁྱབ་ཀྱིས་སླབ་མི་ནང་ ས་སྣུམ་གྱི་གོང་ཚད་ཚུ་ དབུས་ཕྱོགས་རྫོང་ཁག་ཚུ་ནང་ལས་ཕར་ཡང་ ཁེ་ཏོག་ཏོ་སྦེ་ཡོདཔ་ལས་ གཞལ་སྒང་རྫོང་ཁག་འདི་ རྒྱ་གར་གྱི་སྦོ་ལོགས་ཁར་འབདཝ་ལས་ གོང་ཚད་ཚུ་ ཉུང་སུ་ཅིག་སྦེ་ འོང་དགོ་ཟེར་བཤད་ཅི།

འདི་ལུ་ དགེ་ལེགས་ཕུག་གི་ཚོང་འབྲེལ་འགོ་དཔོན་ཚུ་གིས་བཀོད་མི་ནང་ གནད་དོན་འདི་ སེལ་ཐབས་སྒྲིག་ནི་གི་དོན་ལུ་ ཐབས་ལམ་ཚུ་བཏོན་དོ་ཡོདཔ་སྦེ་བཤད་ཅི།

ད་རུང་ ཁོང་འགོ་དཔོན་ཚུ་གིས་བཤད་མི་ནང་ གོང་ཚད་གསརཔ་ཀྱི་གནད་དོན་ཚུ་ འཕྲལ་མགྱོགས་རང་ ལག་ལེན་འཐབ་ནི་ཨིནམ་ལས་ གོང་ཚད་ཁྱད་པར་ལས་བརྟེན་ སྟབས་མ་བདེཝ་འཐོན་མི་ཚུ་ སེལ་ཚུགས་ཟེར་ཨིན་མས།

གཞལ་སྒང་རྫོང་ཁག་ནང་ལུ་ ས་སྣུམ་བླུགས་སའི་ལྟེ་བ་༣ཡོདཔ་ད་ རྫོང་ཁག་འདི་ནང་ པེ་ཊོལ་ལི་ཊར་རེ་གི་གོང་ཚད་འདི་ བུམ་ཐང་དང་འཕྱདཔ་ད་ ཕྱེད་ཀྲམ་༡༡གིས་མང་སུ་ཅིག་དང་ ཌི་ཟིལ་ལུ་འབད་བ་ཅིན་ ཕྱེད་ཀྲམ་༤༧གྱིས་ མང་སུ་ཅིག་སྦེ་ གནས་དོ་ཡོདཔ་ཨིན་མས།