པདྨ་དགའ་ཚལ་ གསེར་བསྡུ་བ་སྤྱི་འོག་ནང་ལུ་ སོ་ནམ་ཞིང་ལམ་སེལ་བའི་བསྒང་།

སྤྱི་ཟླ་༥ པའི་ཚེས་ ༢༨ ༢༠༡༩

༉ པདྨ་དགའ་ཚལ་ གདུང་སྨད་རྒེད་འོག་གི་ གསེར་བསྡུ་བ་སྤྱི་འོག་ནང་ལུ་ མི་སེར་ཚུ་གིས་ ཕྲལ་ཁམས་ཅིག་ཁར་ སོ་ནམ་ཞིང་ལམ་བསལ་ནི་འགོ་བཙུགས་ཏེ་ཡོདཔ་ལས་ སྤྱི་འོག་འདི་ནང་གི་མི་སེར་ཚུ་གིས་ ཧེ་མ་བཟུམ་སྦེ་ དཀའཝ་སྤྱོད་མི་དགོ་ནི་ཨིནམ་མ་ཚད་ སོ་ནམ་གྱི་ཐོན་སྐྱེད་ཚུ་ཡང་ ཚོང་འབྲེལ་འཐབ་ནི་ནང་ སྟབས་བདེ་ཏོག་ཏོ་འགྱོ་ནི་ཨིན་མས།

སོ་ནམ་ཞིང་ལམ་འདི་ སེལ་ཚར་བའི་བསྒང་ལས་ བལ་ནང་དགོན་པ་དང་ མང་ཐང་རི་གཡུས་ཚན་གྱི་མི་སེར་ལུ་ ད་ལྟོ་ཚུན་ཚོད་ ལོ་ངོ་བཅུ་ཕྲག་ལས་བཅད་དེ་ དཀའཝ་དཔྱད་མི་འདི་ བསལ་ཚུགས་ནི་ཨིན་མས།

ད་རེས་འབད་བ་ཅིན་ གདུང་སྨད་རྒེད་འོག་ གསེར་བསྡུ་བ་སྤྱི་འོག་གི་མི་སེར་ཚུ་ ཉེ་འདབས་ཀྱི་འཁོར་ལམ་ཡོད་སར་ལྷོད་ལྷོད་ དུས་ཡུན་ཆུ་ཚོད་༣་དེ་ཅིག་ རྐང་སྟོང་སྦེ་ འགྱོ་དགོཔ་ཐོན་ཏེ་འདུག

གདུང་སྨད་རྒཔོ་ ཨྱོན་ཚེ་རིང་གིས་བཀོད་མི་ནང་ མི་སེར་ཚུ་རང་གོ་རང་དྲོངས་བཟོ་ནི་གི་དོན་ལས་ སོ་ནམ་ཞིང་ལམ་འདི་ མེད་ཐབས་མེདཔ་ཅིག་འབདཝ་ལས་ རྒེད་འོག་བདག་སྐྱོང་གི་ཧོངས་ལས་ མ་དངུལ་དངུལ་ཀྲམ་ས་ཡ་༣་དེ་ཅིག་གནས་པའི་ ལས་འགུལ་འདི་ འགོ་བཙུགས་ཡོདཔ་སྦེ་བཤད་ཅི།

ཀི་ལོ་མི་ཀྲར་ཕྱེད་ད་༦་ལྷགཔ་ཅིག་འབད་མི་སོ་ནམ་ཞིང་ལམ་འདི་ ཟླ་ངོ་༡༠་དེ་ཅིག་གི་ནང་ལུ་ བསལ་ཚར་བའི་རེ་བ་བསྐྱེད་དོ་ཡོདཔ་ད་ ལམ་འདི་གིས་ ཁྱིམ་གུང་པ་༣༥་དེ་ཅིག་ལུ་ ཕན་ཐོགས་འབྱུང་ནི་ཨིན་མས།