གཟའ་ལྷག་པ། ༢༠༢༡ ཟླ་༡༠ པའི་སྤྱི་ཚེས་༡༩

གནསམོ་གི་ཨའི་བསད་ཡོད་པའི་གནད་དོན་འདི་ ཆེ་མཐོ་ཁྲིམས་འདུན་ལུ་ མཐོ་གཏུགས་འབད་ཡོདཔ།

སྤྱི་ཟླ་༦ པའི་ཚེས་ ༡༧ ༢༠༢༡

༉ རྩོད་དཔོན་ཡོངས་ཁྱབ་ཡིག་ཚང་གིས་ ཧཱ་ལུ་ ཨམ་སྲུ་གཅིག་བསད་ཡོད་པའི་རྩོད་གཞི་འདི་ ཆེ་མཐོ་ཁྲིམས་ཀྱི་འདུན་ས་ལུ་ མཐོ་གཏུགས་འབད་ནུག

འདི་ཡང་ ཧེ་མའི་ཟླཝ་ནང་ ཧཱ་རྫོང་ཁག་ཁྲིམས་ཀྱི་འདུན་ས་ལས་ སྤུ་ན་ཁ་ལས་ སྐྱེས་ལོ་༣༣་ལང་མི་ཉེས་ཅན་ཕོ་སྐྱེས་འདི་ལུ་ ཁོ་རའི་གནསམོ་གི་ཨའི་བསད་ཡོད་མི་ལུ་བརྟེན་ཏེ་ བཙོན་ཁྲིམས་ལོ་༢༦་དང་ཟླཝ་༦་བཀལ་མི་ལུ་ ཁེ་རྒུད་མ་བཏུབ་པའི་ཤུལ་ལུ་ཨིན་མས།

བཙོན་ཁྲིམས་འདི་ནང་ལུ་ ཉེས་ཅན་ཕོ་སྐྱེས་འདི་གིས་ རྒུད་འཐུས་དངུལ་ཀྲམ་འབུམ་༥་མ་ལངམ་ཅིག་ བཏབ་དགོཔ་སྦེ་ཡོད་མི་འདི་ བཏབ་མ་ཚུགསཔ་ལས་ རྒུད་འཐུས་སྤྲོད་མ་ཚུགས་པའི་པའི་ཉེས་བྱ་སྦེ་ ལོ་ཕྱེད་ད་གཉིསཔོ་འདི་ཡང་ བཙོན་ཁྲིམས་འདི་ནང་ལུ་ ཚུད་དེ་ཡོདཔ་སྦེ་ཨིན་མས།

ན་ཧི་སྤྱི་ཟླ་༡༠་པའི་ནང་ ཉེས་ཅན་ཕོ་སྐྱེས་འདི་གིས་ ཁོ་རའི་ཨམ་སྲུ་གི་ཨའི་ མགུ་ཏོག་ཁར་རྨ་སྐྱོན་བཏོན་ཏེ་ བསད་ཡོདཔ་ད་ གནས་ཚུལ་འབྱུང་ཁུངས་དང་འཁྲིལ་བ་ཅིན་ ཁོང་ཆ་ཁྱབ་ཀྱི་བར་ན་ སྒྲིག་ཏོག་ཏོ་མེདཔ་སྦེ་ཨིན་མས།