རྫོང་ཁ། | ཨིང་ལིཤ། གཟའ་ཉི་མ། ༢༠༢༡ ཟླ་༧ པའི་སྤྱི་ཚེས་༢༤

གནས་ཚུལ་གཞན།

ཇ་པཱན་ལུ་ འབྲུག་པའི་ལུས་རྩལཔ་ཚུ་ ལེགས་ཤོམ་སྦེ་རང་ཡོདཔ།

༉ ཇ་པཱན་ལུ་ ཨོ་ལོམ་པིག་གི་རྩེད་འགྲན་ནང་འགྱོ་མི་ འབྲུག་པའི་ལུས་རྩལཔ་༤་དང་ སློབ་སྟོན་པ་༥་འདི་ ནད་ཡམས་ཀོ་ཝིཊ་ནའིན་ཊིན་མ་ཐོབ་པར་ ཉེན་སྲུང་དང་ལྡནམ་སྦེ་རང་ཡོདཔ་སྦེ་ཨིན་མས།

ལུང་ནག་ན་ལུ་ སྨན་ཁབ་བསྐྱེལ་མ་ཚུགས་པར་ཡོདཔ།

༉ རྒྱལ་ཁབ་ནང་ལུ་ ཁབ་ཐེངས་༢པ་བཙུགས་ནི་གི་ལས་རིམ་འགོ་འདྲེན་འཐབ་པའི་བསྒང་ཡོད་རུང་ མགར་ས་རྫོང་ཁག་ ལུང་ནག་ན་རྒེད་འོག་གི་མི་སེར་ཚུ་ སྨན་ཁབ་ལྷོད་ནི་གི་དོན་ལུ་ བསྒུག་སྟེ་རང་འདུག

ཁབ་ཐེངས་༢པ་བཙུགས་ཚར་བའི་བསྒང་ལས་ སྒྲིག་གཞི་ཚུ་ཡངས་ཆག་བཏང་པའི་རེ་བ།

༉ རྒྱལ་ཡོངས་ཀྱི་ཁབ་ཐེངས་༢པ་བཙུགས་ཚར་བའི་བསྒང་ལས་ མི་སེར་མང་ཤོས་ཅིག་ལུ་རང་ རེ་བ་གཅིག་འདི་ གཞུང་གིས་ ད་རེས་ཡོད་པའི་ནད་ཡམས་ཀྱི་སྒྲིག་གཞི་ཚུ་ ཡངས་ཆག་བཏང་འོང་ཟེར་ མནོ་མི་འདི་ཨིན་མས།

ལྷུན་རྩེ་ ཕ་གླིང་ཁྲོམ་ཁར་སྡོད་མི་ཚུ་གིས་ ཆུ་ཧོ་མ་ཁོག་ཁོ་སྦེ་ འཐུང་དགོཔ་འཐོན་ཏེ་ཡོདཔ།

༉ ལྷུན་རྩེ་རྫོང་ཁག་ ཕ་གླིང་ཁྲོམ་དང་ འདི་གི་ཉེས་འདབས་ལུ་ཡོད་པའི་ མི་ཚུ་གིས་ ཆུ་ཧོ་མ་ཁོག་ཁོ་སྦེ་འཐུང་སྟེ་ ད་རེས་འབདཝ་ད་ བདུན་ཕྲག་༢འགྱོ་དོ་ཡོདཔ་ཨིན་མས།

མོང་སྒར་དང་ངང་ལམ་གྱི་འཐུས་མི་ལུ་ ལག་ཁྱེར།

༉ འབྲུག་གི་བཙག་འཐུ་ལྷན་ཚོགས་ཀྱིས་ མོང་སྒར་དང་ པདྨ་དགའ་ཚལ་ ངང་ལམ་འདེམས་ཁོངས་ཀྱི་ དུས་མིན་བཙག་འཐུ་ནང་ལས་ བཙག་འཐུ་སྒྲུབ་སྟེ་ཡོད་མི་ འཐུས་མི་གཉིས་ལུ་ ད་རིས་ བཙག་འཐུ་སྒྲུབ་སྟེ་ཡོད་པའི་ ལག་ཁྱེར་སྤྲོད་ནུག

ནད་ཡམས་ལས་བརྟེན་ཏེ་ ད་རུང་རང་ཤི་རྐྱེན་བྱུང་ཡོདཔ།

༉ ཕུན་ཚོགས་གླིང་གི་ ནདཔ་ལོགས་སུ་སྦེ་བཞག་སའི་ས་སྒོ་ནང་ལས་ ད་རིས་ ནད་ཡམས་ཀོ་ཝིཊ་ནའིན་ཊིན་ཐོབ་མི་ ཨམ་སྲུ་གཅིག་ལུ་ ཤི་རྐྱེན་བྱུང་ནུག

དགེ་ལེགས་ཕུག་ལུ་ ད་རུང་རང་ གླངམོ་ཆེ་ཐོན་ཏེ་ཡོདཔ།

 ༉ དགེ་ལེགས་ཕུག་ བཀྲིས་གླིང་ལུ་ཡོད་པའི་ བཟོ་གྲྭ་འཕྲུལ་ཁང་གི་ས་སྒོ་ནང་ལུ་ ད་རུང་རང་ ད་ས་དྲོ་པ་ཆུ་ཚོད་༡དེ་ཅིག་ཁར་ གླངམོ་ཆེ་རུ་ཁག་སྦེ་ཐོན་ཞིམ་ལས་ མཛོད་ཁང་གཅིག་དང་ ལས་མི་གི་སྒར་གཅིག་ མེདཔ་བཏང་ནུག

འདབ་མ་ཀོ་པི་ཚུ་ བསམ་གྲུབ་ལྗོངས་མཁར་དང་དགེ་ལེགས་ཕུག་ལས་ ཕྱིར་ཚོང་འཐབ་ནི་ལུ་བལྟ་དོ་ཡོདཔ།

༉ སོ་ནམ་ལྷན་ཁག་གིས་ འདབ་མ་ཀོ་པི་ཚུ་ དགེ་ལེགས་ཕུག་དང་ བསམ་གྲུབ་ལྗོངས་མཁར་བརྒྱུད་དེ་ རྒྱ་གར་ལུ་ ཕྱིར་ཚོང་འཐབ་ནི་གི་རྩིས་རྐྱབ་སྟེ་འདུག

གློག་རིག་ཚུ་ ཡུན་རིངམོ་སྦེ་བལྟ་མི་ལས་བརྟེན་ཏེ་ མིག་ཏོ་ཚ་མི་གི་ནདཔ་ མང་སུ་སྦེ་འོང་དོ་ཡོདཔ།

༉ ཐིམ་ཕུག་རྒྱལ་ཡོངས་གཙོ་བསྟེན་སྨན་ཁང་ནང་ལུ་ གློག་རིག་དང་གཞན་མི་འཕྲུལ་རིག་ཚུ་ ཡུན་རིངམོ་སྦེ་བལྟ་མི་ལས་བརྟེན་ཏེ་ མིག་ཏོ་ཚ་མི་དང་ལྟག་ལྐོག་དང་ཕྱག་ལྟག་ན་མི་གི་ནདཔ་གི་གྱངས་ཁ་འདི་ ཡར་སེང་འགྱོ་སྟེ་རང་ཡོདཔ་སྦེ་ཨིན་མས།

བསམ་གྲུབ་ལྗོང་མཁར་ལུ་ ཨེ་མ་བཙོང་མ་ཚུགས་པའི་དཀའ་ངལ།

༉ བསམ་གྲུབ་ལྗོངས་མཁར་ལུ་ ཨ་རྟག་འབད་བ་ཅིན་ དུས་ཚོད་འ་ནེམ་ཅིག་ཁ་ལུ་ ཨེ་མ་ཧོནམ་དཀོན་པའི་དུས་ཚོད་ཅིག་ཨིན་རུང་ དུས་ཅི་ མི་སེར་སོ་ནམ་པ་ཚུ་ ཨེ་མ་བཙོང་མ་ཚུགས་པའི་དཀའ་ངལ་ཐོན་ཏེ་འདུག