༉ ཆུ་ཁ་རྫོང་ཁག་ གདུང་ན་རྒེད་འོག་གི་མི་སེར་ཚུ་ རྒེད་འོག་ནང་ ལྷ་ཁང་རྙིང་ཤོས་ཅིག་ལས་བརྒལ་མེད་མི་འདི་ ཉམས་ཆག་ཤོར་དོ་ཡོད་མི་ལུ་ ཚ་གྱང་ལང་སྟེ་འདུག  མ་གཞི་ ལྷ་ཁང་འདི་ ཉམས་གསོ་ཨ་ཙི་རེ་ཞུ་སྟེ་ཡོད་རུང་ གྱང་ཚུ་གུ་ སེར་གུ་འཐོན་ཡོདཔ་མ་ཚད་ འཐིང་གཞི་ཚུ་ཡང་ མེདཔ་ཐལ་ཏེ་ཡོདཔ་ཨིན་མས།  གདུང་ན་ལྷ་ཁང་འདི་ དུས་རབས་ ༡༦ པའི་ནང་བཞེངས་ཡོདཔ་སྦེ་ ཡིད་ཆེས་བསྐྱེད་དོ་ཡོདཔ་ད་ ལྷ་ཁང་འདི་ ལོ་ ༡༠ དེ་ཅིག་གི་ཧེ་མ་ ཉམས་གསོ་ཞུ་ཡོདཔ་ཨིན་མས།  ཨིན་རུང་ ལྷ་ཁང་གི་གནས་སྟངས་འདི་ སྐྱོ་སུ་ཐལ་ཏེ་ར་ཡོདཔ་ལས་ ཆརཔ་རྐྱབ་ད་ལུ་ ལྷ་ཁང་ནང་ན་ ཆུ་འཛགས་དོ་ཡོདཔ་ཨིན་མས།...

༉ ལོ་བསྟར་བཞིན་དུ་ རང་ཟླ་ ༨ པའི་ནང་ སྤུ་ན་ཁ་རྫོང་ནང་གནང་མི་ ཚེས་བཅུ་འདི་ དགེ་སློང་ཚུ་གིས་ རྫོང་ནང་ གསུང་ཆོས་འདི་རང་གནངམ་མ་གཏོགས་ ཚེས་བཅུ་གཞན་ཚུ་བཟུམ་སྦེ་ སྐུ་འཆམ་དང་ རང་ལུགས་ཀྱི་ལས་རིམ་ཚུ་ ག་ནི་ཡང་མེདཔ་ལས་ ཚེས་བཅུ་འདི་གི་སྐོར་ལས་ སྤུ་ན་ཁ་དང་ ཉེས་འདབས་ཀྱི་མི་སེར་ཚུ་གིས་མ་གཏོགས་ གཞན་མི་མང་ཤོས་ཅིག་གིས་རང་ མི་ཤེས་དོ་ཡོདཔ་ཨིན་མས།  སྤུ་ཁ་ཁའི་ལོ་བསྟར་ཚེས་བཅུ་འདི་ སྤུ་ན་ཁ་རྫོང་གི་ཀུན་ར་ནང་སྦེ་ གཞུང་གྲྭ་ཚང་གི་མ་ཆེན་གཟིམ་དཔོན་དང་ རྩེ་གཟིམ་གྱིས་ དབུ་བཞུགས་མཛད་དེ་གནང་ནུག  མ་ཆེན་གཟིམ་དཔོན་དང་འཁྲིལཔ་ད་ ཚེས་བཅུ་འདི་གི་སྐོར་ལས་ མི་གིས་ ཧ་མ་གོ་མི་འདི་ཡང་ ཚེས་བཅུའི་སྐབས་ལུ་ སྐུ་འཆམ་དང་...

༉ བསམ་རྩེ་ རྟ་ལྡིང་རྒེད་འོག་ནང་ཡོད་པའི་ བཀྲ་ཤིས་ཐང་འབྲིང་རིམ་སློབ་གྲྭ་བར་མ་འདི་ འཕྲལ་ཁམས་གཅིག་ཁར་ རྒྱ་སྐྱེད་འབད་དེ་ཡོད་རུང་ སློབ་གྲྭ་ནང་ ཟ་སྤྱོད་ཁང་དང་ སྤྱི་དོན་ཁང་ཚུ་ལེགས་ཤོམ་མེདཔ་ལས་ སློབ་དཔོན་དང་སློབ་ཕྲུག་ཚུ་གིས་ ཉིན་བསྟར་གྱི་ལཱ་དང་ལས་རིམ་ཚུ་ འགོ་འདྲེན་འཐབ་མ་ཚུགས་པར་ ལཱ་ཁག་གཏང་དོ་ཡོདཔ་ཨིན་མས།  སློབ་གྲྭ་རྒྱ་སྐྱེད་འབད་མི་འདི་གིས་ རྟ་ལྡིང་དང་སྦོ་ལོགས་ཁའི་ རྒེད་འོག་གི་ཨ་ལུའི་ཕམ་ཚུ་ སེམས་དགའ་སྟེ་ཡོད་རུང་ འདི་དང་བསྟུན་པའི་ སྟབས་མ་བདེཝ་ཚུ་ཡང་འཐོན་ནུག  འདི་ཡང་ ཧེ་མ་ སློབ་གྲྭ་འདི་ནང་ ཚན་རིག་འཕྲུལ་རིག་དང་བཟོ་རིག་རྩིས་ཀྱི་ སློབ་དཔོན་མ་ལང་པའི་ཁར་ ནང་ཆས་ཚུ་ཡང་ལང་མ་ཚུགས་པའི་ དཀའ་ངལ་འཐོན་ཡོདཔ་ཨིན་མས།  ད་རུང་ ཚན་རིག་གི་བརྟག་དཔྱད་ཁང་དང་ དཔེ་མཛོད་ཁང་བཟུམ་མའི་ མཐུན་རྐྱེན་ཚུ་ཡང་...

༉ སྤུ་ན་ཁ་ དཀར་སྦི་ས་རྒེད་འོག་ དཔལ་ལྟ་རི་སྤྱི་འོག་གི་མི་སེར་ཚུ་གིས་ གཞུང་ལུ་ ལོ་ ༢༠ དེ་ཅིག་གི་ཧེ་མ་སེལ་ཡོད་མི་ སྤྱི་འོག་གི་སོ་ནམ་ཞིང་ལམ་འདི་ རྩི་ནག་གཏང་དགོ་པའི་ ཞུ་བ་འབདཝ་ཨིན་མས།  འདི་ཡང་ མི་ཚུ་གིས་སླབ་མི་ནང་ ཀི་ལོ་མི་ཀྲར་ ༧ དེ་ཅིག་འབད་མི་ ཞིང་ལམ་བདའ་སྟེ་ ཧོག་ཀ་ཚུ་འཐོན་ཏེ་ཡོདཔ་ལས་ སོ་ནམ་གྱི་ཐོན་སྐྱེད་ཚུ་ ཁྲོམ་ཁར་སྐྱེལ་ནི་ནང་ སྟབས་མ་བདེཝ་ལེ་ཤ་འཐོནམ་མས་ཟེར་བཤད་ཅི།  སོ་ནམ་ཞིང་ལམ་འདི་ཡང་ སྤྱི་འོག་ནང་གི་ཁྱིམ་གུང་པ་ ༤༥ དེ་ཅིག་གིས་ ལག་ལེན་འཐབ་དོ་ཡོདཔ་ཨིན་མས།  ཧེ་མ་ཚར་གཅིག་ ལམ་འདི་བདའ་སྟེ་ ས་དང་རྡོ་རུ་ཚུ་བླུགས་མི་འདི་གིས་ མི་སེར་ཚུ་ལུ་...

༉ བསམ་གྲུབ་ལྗོངས་མཁར་ ཝང་ཕུག་རྒེད་འོག་ནང་ ལྕགས་བཟོ་གི་ལཱ་འབད་མི་འདི་ ཉམས་འགྱོ་དོ་ཡོདཔ་ལས་ ད་རེས་ རྒེད་འོག་འདི་ནང་ ལྕགས་བཟོ་གི་ལཱ་འབད་མི་ གཅིག་ལས་བརྒལ་མེདཔ་ཨིན་མས།  སྐྱེས་ལོ་ ༦༤ ལང་མི་ གྲུབ་པ་གིས་ འབྲུག་པའི་ལམ་སྲོལ་འདི་ ཉམས་སྲུང་འབད་དོ་ཡོདཔ་མ་ཚད་ ལྕགས་བཟོ་འདི་ལས་བརྟེན་ འོང་འབབ་ཡང་ ཨོ་ཏོག་ཏོ་སྦེ་བཟོ་ཚུགས་ཏེ་འདུག  འདི་ཡང་ ཁོ་གིས་ ཧེ་མའི་ལོ་ ༢༠ དེ་ཅིག་གི་རིང་ ལག་བཟོ་འདི་ལས་བརྟེན་ ཟླཝ་རེ་ནང་ འོང་འབབ་དངུལ་ཀྲམ་སྟོང་ཕྲག་ ༣༠ ལས་ ༤༠ དེ་ཅིག་གི་བར་ན་...

༉ ཐིམ་ཕུག་ ཆུ་ཚོད་འཁོར་ལོ་ཀ་ཆེན་གྱི་ས་སྒོ་ནང་ ཉིནམ་ ༣ གྱི་རིང་ ཚེ་བཅུ་གི་འགྲེམ་སྟོན་ལས་རིམ་ཅིག་ འགོ་འདྲེན་འཐབ་ས་ལུ་ ནང་འཁོད་ཀྱི་ཐོན་སྐྱེད་དང་ རང་ལུགས་ཀྱི་བཞེས་སྒོ་ཚུ་ འགྲེམ་སྟོན་འབད་བའི་བསྒང་རང་འདུག  འགྲེམ་སྟོན་ལས་རིམ་འདི་ཡང་ བཟོ་གྲྭ་ཚོང་ལས་དང་ལཱ་གཡོག་ལྷན་ཁག་གིས་ འབྲུག་ཨམ་སྲུའི་ཚོང་ལཱ་ཚོགས་པ་དང་ སྒེར་གྱི་ཚོང་ལས་ཁང་ཅིག་དང་མཉམ་འབྲེལ་འབད་དེ་ འགོ་འདྲེན་འཐབ་དོ་ཡོདཔ་ཨིན་མས།  འགོ་འདྲེན་འཐབ་མི་ཚུ་དང་འཁྲིལཔ་ད་ ལས་རིམ་འདི་ཡང་ མི་དབང་རྒྱལ་སྲསམོ་མཆོག་གི་ འཁྲུངས་སྐར་དུས་སྟོན་བརྩི་སྲུང་ཞུ་ནི་གི་དོན་ལུ་ འགོ་འདྲེན་འཐབ་དོ་ཟེར་བཤད་ཅི།  ཚེས་བཅུ་གི་འགྲེམ་སྟོན་ལས་རིམ་ནང་ ནང་འཁོད་ཀྱི་ཐོན་སྐྱེད་ཚུ་ གསལ་སྟོན་འབད་དེ་ ཚོང་འབྲེལ་གྱི་ལམ་དང་ ཚོང་ལཱ་འབད་ནི་ནང་ སེམས་ཤུགས་བྱིན་ནི་གི་དམིགས་གཏད་བསྐྱེདཔ་ཨིན་མས།  འདི་བཟུམ་སྦེ་ ལས་རིམ་འདི་གིས་ གྲོང་གསེབ་ཀྱི་ཨམ་སྲུ་ཚུ་ལུ་...

༉ ཐིམ་ཕུག་གི་ལོ་བསྟར་ཚེས་བཅུ་ཉིནམ་གཉིས་པའི་ནང་ ཚེས་བཅུ་མཇལ་མི་ མི་སྟོང་ཕྲག་ལས་བཅད་དེ་འཛོམས་ནུག  ཚེས་བཅུ་མཇལ་མི་ཚུ་གི་གྲལ་ལས་ གཅིག་ སྐྱེས་ལོ་ ༩༥ ལང་མི་ ཨཔ་སངས་རྒྱས་ཨིནམ་ད་ ཁོ་རང་ ལོ་ན་རྒས་ཏེ་འབད་རུང་ ད་ལྟོའི་བར་ན་ཡང་ ཚེས་བཅུ་འདི་ དད་པ་དང་ཡིད་ཆེས་བསྐྱེད་དེ་ མ་ཆད་པ་རང་ མཇལ་བར་འགྱོ་དོ་ཡོདཔ་ཨིན་མས།  ཐིམ་ཕུག་ དཀར་སྦི་ས་ལས་ཨིན་མི་ སངས་རྒྱས་ཀྱིས་ དྲོ་པ་ལས་རང་ ཏོག་མ་བཙུགས་སྦེ་ བུ་དང་གཅིག་ཁར་ བྱིན་རླབས་ཅན་གྱི་ཚེས་བཅུ་འདི་ མཇལ་བར་འགྱོ་དོ་ཡོདཔ་ད་ ཁོ་ལུ་ ཨ་ལུ་བདུན་ཡོདཔ་ཨིན་མས།  ཁོ་གིས་སླབ་མི་ནང་ ཧེ་མ་འབད་བ་ཅིན་ ཐིམ་ཕུག་ཚེས་བཅུ་གི་སྐབས་ལུ་...

༉ ཨེ་ཤི་ཡ་གོང་འཕེལ་དངུལ་ཁང་གིས་ སྤྱི་ལོ་ ༢༠༢༤ ལས་ ༢༠༢༨ ཚུན་ ལོ་ ༥ གི་དོན་ལུ་ རྒྱལ་ཁབ་མཉམ་འབྲེལ་གྱི་ ཐབས་བྱུས་གསརཔ་ཅིག་ འགོ་བཙུགས་ཏེ་འདུག  འཕྲལ་ཁམས་གཅིག་ཁར་ གསལ་བསྒྲགས་འབད་མི་ ཐབས་བྱུས་གསརཔ་འདི་ཡང་ རྒྱལ་ཁབ་ཀྱི་དཔལ་འབྱོར་ཡར་དྲག་གཏང་ནི་ནང་ སྟབས་མ་བདེཝ་ཡོད་མི་ཚུ་ སེལ་ནི་གི་དམིགས་གཏད་བསྐྱེདཔ་ཨིན་མས།  ཐབས་བྱུས་གསརཔ་འདི་ཡང་ མི་མང་འཛིན་སྐྱོང་ལས་སྡེ་དང་ སྒེར་སྡེ་གོང་འཕེལ་ དེ་ལས་ མི་སྟོབས་གོང་འཕེལ་གྱི་གནད་དོན་གཙོ་བོ་ ༣ ལུ་ གཙོ་རིམ་བཟུང་སྟེ་བརྩམས་ནུག  ད་རུང་ ཐབས་བྱུས་འདི་ནང་ གནམ་གཤིས་འགྱུར་བའི་ཐབས་ལམ་དང་...