རྫོང་ཁ། | ཨིང་ལིཤ། གཟའ་ཟླ་བ། ༢༠༡༡ ཟླ་༣ པའི་སྤྱི་ཚེས་༧

ཚོང་འབྲེལ།

སྟང་སློབ་གྲྭ་ལྟེ་བའི་སློབ་དཔོན་ཚུ་གིས་ ལྕངམ་མཁར་ལུ་ ཚོད་བསྲེ་ཚུ་བཙོང་ནི་འགོ་བཙུགས་ཏེ་ཡོདཔ།

༉ བུམ་ཐང་རྫོང་ཁག་ ལྕངམ་མཁར་ཁྲོམ་ཁ་ལུ་ཡོད་པའི་ ཚོད་བསྲེ་ཁྲོམ་ཁ་ལུ་ དུས་རྒྱུན་གྱི་ཚོད་བསྲེ་བཙོང་མི་ཚུ་དང་གཅིག་ཁར་ ད་རེས་ སྟང་སློབ་གྲྭ་ལྟེ་བའི་སློབ་དཔོན་ཚུ་གིས་ཡང་ ཚོད་བསྲེ་ཚུ་བཙོང་ནི་འགོ་བཙུགས་ཏེ་འདུག

སྒང་ཟུར་ལུ་ ས་གི་རྫམ་བཟོ་ནི་གི་ཚོང་འབྲེལ་འདི་ ལེགས་ཤོམ་འགྱོ་བའི་བསྒང་།

༉ ལྷུན་རྩེ་རྫོང་ཁག་ སྒང་ཟུར་གཡུས་ཚན་ནང་ལུ་ སའི་རྫམ་བཟོ་ནི་གི་ཚོང་འབྲེལ་འདི་ འདས་པའི་ལོ་ཚུ་དང་འཕྱདཔ་ད་ ཡར་དྲག་སོང་སྟེ་སྦེ་འདུག

འབྲུག་པའི་ཚོང་ལཱ་འབད་མི་ཚུ་ལུ་ གདོང་ལེན་སྦོམ་ཤོས་རང་ ས་སྒོ་མེད་མི་འདི་འཐོན་དོ་ཡོདཔ།

༉ རྒྱལ་ཁབ་ནང་ལུ་ འབྲུག་པའི་ཚོང་ལཱ་འབད་མི་ཚུ་གི་དོན་ལུ་ གདོང་ལེན་གཅིག་འདི་ ཚོང་ལཱ་འབད་ནི་གི་ ས་སྒོ་མེད་མི་འདི་འཐོན་ཏེ་འདུག

མགར་ས་གསོལ་ཆུ་གི་ཚོང་ལཱ་འདི་ རྫོང་ཁག་བདག་སྐྱོང་གིས་ མི་སེར་ཚུ་ལུ་ རྩིས་སྤྲོད་ཡོདཔ།

༉ མགར་ས་རྫོང་ཁག་བདག་སྐྱོང་གིས་ མགར་ས་གསོལ་ཆུ་ཟེར་མི་ ཆུ་བཏོན་ནི་གི་ཚོང་ལཱ་འདི་ མི་སེར་ཚུ་ལུ་ རྩིས་སྤྲོད་མི་དང་འབྲེལ་ ཚོང་ལཱ་དེའི་འཛིན་སྐྱོང་གི་ནང་ལུ་ རྫོང་ཁག་བདག་སྐྱོང་གིས་ ལགཔ་མི་རྐྱབ་ནི་ཨིན་མས།

བཀྲིས་གཡང་རྩེ་ལུ་ ཚོད་བསྲེ་བཙོང་སའི་ ས་གོ་མ་ལང་པའི་གདོང་ལེན།

༉ བཀྲིས་གཡང་རྩེ་ལུ་ ཚོད་བསྲེ་བཙོང་མི་ཚུ་ལུ་ ཚོང་ཉོ་མི་དང་ བསྐྱེལ་འདྲེན་འབད་ནི་ནང་ལུ་ དཀའ་ངལ་ག་ནི་ཡང་མེདཔ་ཨིན་རུང་ ཐོན་སྐྱེད་ཚུ་བཙོང་སའི་ ས་གོ་མ་ཐོབ་པའི་ གདོང་ལེན་བྱུང་སྟེ་འདུག

ཁ་གླིང་ལུ་ ལྕངམ་གསོ་སྐྱོང་ཁང་གི་ཚོང་འབྲེལ་འདི་ ལེགས་ཤོམ་སྦེ་འགྱོ་མ་བཏུབ་པར་ཡོདཔ།

༉ བཀྲ་ཤིས་སྒང་རྫོང་ཁག་ ཁ་གླིང་ལུ་ མི་སེར་སོ་ནམ་པ་གཅིག་གིས་ ཧེ་མ་ ཤིང་འབྲས་ཀྱི་ལྕངམ་ གསོ་སྐྱོང་ཁང་གཅིག་འགོ་བཙུགས་པའི་སྐབས་ ཚོང་འབྲེལ་ལེགས་ཤོམ་སྦེ་རང་འགྱོ་ཡོདཔ་ཨིན་རུང་ འཕྲལ་ཁམས་གཅིག་ལས་ ལེགས་ཤོམ་སྦེ་འགྱོ་མ་བཏུབ་པར་འདུག

དར་དཀར་ན་གི་མི་སེར་སོ་ནམ་པ་ཚུ་གིས་ ཨ་ལཱན་ཅི་ཚོང་འབྲེལ་འཐབ་ནི་ནང་ ལཱ་ཁག་བཏང་དོ་ཡོདཔ།

༉ དར་དཀར་ན་རྫོང་ཁག་ གེ་སར་གླིང་རྒེད་འོག་གི་ བཀྲིས་ཐང་གཡུས་ཚན་གྱི་མི་སེར་ཚུ་གིས་ ཨ་ལཱན་ཅི་གི་ལཱ་ཚུ་ ཁྱབ་ཆེཝ་སྦེ་རང་འབད་དོ་ཡོད་མི་དང་འབྲེལ་ འོང་འབབ་འདི་ཡང་ དངུལ་ཐོག་འདི་ལས་བརྟེན་ཏེ་སྦེ་ བཟོཝ་ཨིན་མས།

ཧ་ཟས་ཤིང་ཚུ་ རྡོག་མ་བཏགས་ནི་གི་དོན་ལས་ ཤིང་མཐུད་ནི་གི་ཐབས་ལམ།

༉ ཧ་ཟས་རྡོག་མ་ ལེགས་ཤོམ་སྦེ་བཏགས་ནི་ནང་ ལྷན་ཐབས་འབྱུང་ནི་གི་དོན་ལུ་ ད་རེས་ནངས་པར་ མོ་ཤིང་གུ་ ཕོ་ཤིང་མཐུད་ཞིན་ན་བཞག་ནི་གི་ ཐབས་ཤེས་ཅིག་བཏོན་ཏེ་འདུག

ཚོང་ལཱ་འབད་མི་ཨམ་སྲུ་ཚུ་ལུ་ མ་དངུལ་མ་འཐོབ་པའི་གདོང་ལེན་ཡོདཔ།

༉ རྒྱལ་ཡོངས་རྩིས་དཔྱད་བཀོད་འཛིན་གྱི་སྙན་ཞུ་དང་འཁྲིལཔ་ད་ དྲི་བཀོད་འབད་མི་ མི་བརྒྱ་ཆ་༤༩ལྷགཔ་ཅིག་གིས་རང་ ཨམ་སྲུ་ཚོང་ལཱ་འབད་མི་ཚུ་ལུ་ ཚོང་འབྲེལ་འགོ་བཙུགས་ནི་གི་དོན་ལུ་ མ་རྩ་ཐོབ་མ་ཚུགས་པའི་ གདོང་ལེན་འབྱུང་དོ་ཡོདཔ་སྦེ་ སླབ་སྟེ་ཡོདཔ་ཨིན་མས།

ལ་གོང་གསུམ་གྱི་མི་སེར་ཚུ་གི་དོན་ལུ་ འོང་འབབ་ཀྱི་གཞི་ངོ་མ་གཅིག་འདི་ དབྱར་རྩྭ་དགུན་འབུཔ་འདི་ཨིནམ།

༉ རྒྱལ་ཁབ་ནང་གི་ ལ་གོང་གསུམ་གྱི་མི་སེར་ཚུ་གི་དོན་ལུ་ འོང་འབབ་ཀྱི་གཞི་ངོ་མ་གཅིག་འདི་ དབྱར་རྩྭ་དགུན་འབུཔ་འདི་ཨིན་མས།