རྫོང་ཁ། | ཨིང་ལིཤ། གཟའ་ཟླ་བ། ༢༠༡༩ ཟླ་༨ པའི་སྤྱི་ཚེས་༢༥

ན་གཞོན།

ཕུན་ཚོགས་གླིང་ལུ་ བེཊ་མིཎ་ཊཱན་གྱི་འགྲན་བསྡུར་ཅིག་འགོ་འདྲེན་འཐབ་ས་ལུ་ མི་༤༥ གིས་ གྲལ་ཁར་གཏོགས་ཡོདཔ།

༉ ཕུན་ཚོགས་གླིང་ལུ་ བེཊ་མིཎ་ཊཱན་གྱི་འགྲན་བསྡུར་ཐེངས་༢པ་འདི་ བདུན་ཕྲག་ངལ་གསོའི་སྐབས་ལུ་ འགོ་འདྲེན་འཐབ་ཡོདཔ་ཨིན་མས།

རྒྱལ་སྤྱི་ཀེཝ་རུ་གི་ཊའི་ཀཱོན་ཌོ་གི་ འགྲན་བསྡུར་ནང་ལས་ འབྲུག་རྒྱལ་ཁབ་ཀྱིས་ རྒྱལ་ཁ་ཐོབ་ཡོདཔ།

༉ ཐིམ་ཕུག་ལུ་སྦེ་འགོ་འདྲེན་འཐབ་སྟེ་ཡོད་མི་ རྒྱལ་སྤྱི་ཀེཝ་རུ་གི་ཊའི་ཀཱོན་ཌོ་གི་ འགྲན་བསྡུར་ཐེངས་༥པ་ནང་ལས་ འབྲུག་རྒྱལ་ཁབ་ཀྱིས་ རྒྱལ་ཁ་ཐོབ་ཡོདཔ་ད་ རྒྱལ་སྤྱི་པཱུམ་སེ་༽གི་འགྲན་བསྡུལ་ཐེངས་༤པ་ནང་ལུ་འབད་བ་ཅིན་ རྒྱ་གར་རྒྱལ་ཁབ་ཀྱིས་ རྒྱལ་ཁ་ཐོབ་ནུག

གཞལ་སྒང་ སྤན་བང་གི་ཁྲོམ་ཁ་ལུ་ ན་གཞོན་སྡེ་ཚན་ཅིག་གིས་ སོ་ནམ་ཐོན་སྐྱེད་ཀྱི་ཚོང་འབྲེལ།

༉ གཞལ་སྒང་ སྤན་བང་དང་ མཁའ་རི་འཁོར་ཆ་ལས་ཕར་སྡོད་མི་ཚུ་གིས་ ད་ལས་ཕར་ ནང་འཁོད་ལས་འཐོན་པའི་ཚོད་བསྲེ་ཚུ་ ཐོབ་མ་ཚུགས་པའི་ ཚ་འགྱང་ལང་དགོཔ་མི་འཐོན་ནི་ཨིན་མས།

རྒྱལ་སྤྱིའ་ཏའི་ཀཱོན་ཌོ་གི་འགྲན་བསྡུར་ནང་ སྐམ་སྦྱིས་སློབ་གྲྭ་ལྟེ་བ་གིས་ ཨང་དང་པ་འཐོན་ཡོདཔ།

༉ ཕུན་ཚོགས་གླིང་ལུ་ ཉིནམ་༢་ཀྱི་རིང་ལུ་ འགོ་འདྲེན་འཐབ་སྟེ་ཡོད་པའི་ རྒྱལ་སྤྱིའ་ཏའི་ཀཱོན་ཌོ་གི་འགྲན་བསྡུར་འདི་ནང་ལས་ སྐམ་སྦྱིས་སློབ་གྲྭ་ལྟེ་བ་གིས་ རྟགས་མ་༢༧་ཐོབ་སྟེ་ ཨང་དང་པ་འཐོན་ཡི།

སྐྱེས་ལོ་༡༩་མན་ཆད་ཀྱི་ སྒྲོ་རིལ་འགྲན་བསྡུར་འགོ་འདྲེན་འཐབ་ཡོདཔ།

༉ ཕུན་ཚོགས་གླིང་ལུ་ སྒྲིང་ཁྱམ་ནང་ན་སྦེ་ རྩེད་རིགས་སྣ་ཚོགས་རྩེ་ནི་གི་ ས་གོ་གསརཔ་རྐྱབ་མི་ལས་བརྟེན་ཏེ་ རྩེད་རིགས་ཚུ་ གོང་འཕེལ་བཏང་ནི་ནང་ ལྷན་ཐབས་བྱུང་སྟེ་སྦེ་འདུག

ཐིམ་ཕུག་གི་སྤྲོ་སྟོན་ཁང་ཚུ་ནང་ལས་ཕར་འགྱོ་དགོ་པ་ཅིན་ ངོ་སྤྲོད་ལག་ཁྱེར་བཏོན་དགོཔ།

༉ ཐིམ་ཕུག་ཁྲོམ་སྡེ་གིས་ ལོ་ན་མ་སྨིན་པའི་ཨ་ལུ་ཚུ་ ཆང་འཐུང་མ་བཅུག་པར་བཞག་ནི་གི་དོན་ལུ་ སྤྲོ་སྟོན་ཁང་ཚུ་ནང་ལས་ཕར་ འོང་མི་ཚུ་གི་ལོ་ཚད་ཚུ་ ཨིན་ཅི་མིན་ཅི་ར་ བདེན་དཔྱད་འབད་དགོཔ་སྦེ་ བཟོ་སྟེ་འདུག

འཛམ་གླིང་སྤྱི་ཚོགས་རྒྱལ་སྤྱའི་ཨ་ལུའི་མ་དངུལ་གྱིས་ ལེགས་སྨོན་སྐུ་ཚབ་བསྐོས་ཡོདཔ།

༉ ད་རིས་ འཛམ་གླིང་ཨ་ལུའི་ཉིནམ་དང་འབྲེལ་ འཛམ་གླིང་སྤྱི་ཚོགས་རྒྱལ་སྤྱའི་ཨ་ལུའི་མ་དངུལ་གྱིས་ ཞབས་ཁྲ་བརྩམ་མིི་དང་སྐད་འཐེན་མི་ ན་གཞོན་བསོད་ནམས་དབང་ཆེན་འདི་ འབྲུག་པའི་ན་གཞོན་ཚུ་གི་ལེགས་སྨོན་སྐུ་ཚབ་འགོ་དང་པ་ཅིག་སྦེ་བསྐོས་ནུག
ཁོ་གིས་ སྐུ་ཚབ་སྦེ་ཕྱག་ཞུ་བའི་སྐབས་ལུ་ ན་གཞོན་ཚུ་ དོན་དག་ཡོད་པའི་ལས་རིམ་ཚུ་ནང་འབྲེལ་གཏོགས་འབད་བཞག་ནི་གི་དོན་ལུ་ ཞབས་ཁྲ་འཐེན་ནི་གི་རིག་རྩལ་ཚུ་ ལག་ལེན་འཐབ་ནི་དང་ ན་གཞོན་ཚུ་ལུ་ ཁོང་རའི་གདོང་ལེན་འབྱུང་མི་ཚུ་ གདོང་བརྫངས་ཏེ་སླབ་བཅུག་ནི་ནང་ལུ་ དབང་ཆ་བྱིན་ནི་ཨིན་མས།
སྐྱེས་ལོ་༡༦ལང་མི་ བསོད་ནམས་དབང་ཆེན་འདི་ ད་རེས་ སྤུ་ན་ཁ་ལུ་ཡོད་པའི་ ཨོ་རྒྱན་རིག་པའི་འབྱུང་གནས་སློབ་གྲྭ་ནང་ལུ་ སློབ་རིམ་༡༡པའི་ནང་ ཆོ་བལྟ་བའི་བསྒང་རང་ཨིན་མས།
འཛམ་གླིང་སྤྱི་ཚོགས་རྒྱལ་སྤྱའི་ཨ་ལུའི་མ་དངུལ་ནང་ལས་ འབྲུག་པའི་གཞུང་ཚབ་ རུ་ཌོལཕོ་ཤོ་ཝེངཀ་གིས་སླབ་མི་ནང་ ལེགས་སྨོན་སྐུ་ཚབ་འདི་གིས་ འབྲུག་པའི་ན་གཞོན་ཚུ་ མེདཔ་འགྱོ་དོ་ཡོད་མིའི་གནད་དོན་ཚུ་ལུ་ གཙོ་རིམ་བཟུང་ཞིནམ་ལས་ ན་གཞོན་ཚུ་དང་གཅིག་ཁར་ ལཱ་འབད་དེ་ ཁོང་ཆ་ཁྱབ་ཀྱི་མི་ཚེ་ནང་ འགྱུར་བ་འབག་འོང་བཅུག་སྟེ་ མི་སྡེ་ནང་ལེགས་ཤོམ་བཟོ་ནི་འདི་ཨིན་ཟེར་བཤད་ཅི།
ད་རུང་ ཁོ་གིས་སླབ་མི་ནང་ གཞོན་གྱི་ལེགས་སྨོན་སྐུ་ཚབ་བཙུགས་ནི་འདི་ ལམ་ལུགས་གསརཔ་ཅིག་ཨིན་རུང་ གནད་དོན་འདི་གི་སྐོར་ལས་ ཁོ་དང་ཁོ་རའི་ཕམ་གཉིས་དང་གཅིག་ཁར་ བསྟུན་གྲོས་འབད་བའི་སྐབས་ ངོས་ལེན་འབད་མི་འདི་ལུ་ སེམས་དགའ་སྟེ་ཡོདཔ་སྦེ་ཨིན་མས།
 ད་རེས་ འབྲུག་པའི་ཨ་ལུ་དང་ན་གཞོན་མང་ཤོས་ཅིག་གིས་རང་ ཡོངས་འབྲེལ་དཀྲོགས་དོ་ཡོད་མི་དང་འབྲེལ་ འདི་གི་ཁེ་ཕན་དང་གོ་སྐབས་ཚུ་གིས་མ་དོ་བར་ ཉེན་ཁ་དང་གནོད་པ་ཚུ་ཡང་ཡོདཔ་ཨིན་མས།
བསོད་ནམས་འདི་ ན་གཞོན་གྱི་ལེགས་སྨོན་སྐུ་ཚབ་ཅིག་འབདཝ་ལས་ ཁོ་གིས་ གཞན་མི་འབྲུག་པའི་ན་གཞོན་རྒྱབ་སྐྱོར་པ་ སྟོང་ཕྲག་ལས་བཅད་མི་ཚུ་དང་གཅིག་ཁར་ ཨ་ལུའི་དབང་ཆ་གི་སྐོར་ལས་ གོ་བ་བརྡ་སྤྲོད་ཚུ་སྤེལ་ནི་ཨིན་མས།
ད་རིས་ འཛམ་གླིང་སྤྱི་ཚོགས་རྒྱལ་སྤྱའི་ཨ་ལུའི་མ་དངུལ་གྱིས་ འཛམ་གླིང་ནང་ལུ་ ན་གཞོན་གྱི་ལེགས་སྨོན་སྐུ་ཚབ་ཚུ་ཡང་བསྐོས་ནུག

འབྲུག་པའི་སྡེ་ཚན་འདི་ ལྷོ་ཨེ་ཤི་ཡན་སྐྱེ་ལོ་༡༥མན་ཆད་ཀྱི་རྐང་རྩེད་འགྲན་བསྡུར་ནང་ལུ་ དོ་འགྲན་འབད་ནི་གི་གོ་སྐབས་རྫོགས་ཡོདཔ།

༉ འབྲུག་པའི་སྡེ་ཚན་འདི་ ད་རིས་ རྒྱ་གར་ལས་ ཕམ་སོང་མི་ལུ་བརྟེན་ ལྷོ་ཨེ་ཤི་ཡན་ སྐྱེ་ལོ་༡༥མན་ཆད་ཀྱི་རྐང་རྩེད་འགྲན་བསྡུར་ནང་ལུ་ དོ་འགྲན་འབད་ནི་གི་གོ་སྐབས་འདི་ ནེ་ཅིག་སྦེ་ རྫོགསཔ་ཨིན་མས།

འབྲུག་པའི་སྐྱེས་ལོ་༡༨མན་ཆད་ཀྱི་བུམོ་གི་སྡེ་ཚན་གིས་ མཱལ་དིཕིསི་གི་སྡེ་ཚན་ལས་ རྒྱལ་ཁ་ཐོབ་ཡོདཔ།

༉ འབྲུག་པའི་སྐྱེས་ལོ་༡༨མན་ཆད་ཀྱི་བུམོ་གི་སྡེ་ཚན་གིས་ ལྷོ་ཨེ་ཤི་ཡཱན་རྐང་རྩེད་ཚོགས་པའི་ སྐྱེས་ལོ་༡༨མན་ཆད་ཀྱི་ བུམོ་ཚུ་གི་རྐང་རྩེད་འགྲན་བསྡུར་ནང་ལས་ ཁ་ཙ་ མཱལ་དིཕིསི་གི་སྡེ་ཚན་ལུ་ གཱོལ་༡༣བཙུགས་ཏེ་སྦེ་ རྒྱལ་ཁ་ཐོབ་ནུག

འབྲུག་པའི་ཊའི་ཝོན་ཌོ་གི་ལུས་རྩལཔ་གཉིསཔོ་འདི་ ནོག་ཝའུཊ་གི་བསྐོར་ཐེངས་ནང་ལས་ ཕམ་ཡོདཔ།

༉ ཨིན་ཌོ་ནི་ཤི་ཡ་ལུ་སྦེ་ འགོ་འདྲེན་འཐབ་པའི་བསྒང་རང་ཡོད་མི་ ཨེ་ཤི་ཡཱན་རྩེད་རིགས་ཀྱི་ལས་རིམ་ནང་ལུ་ ད་རིས་ འབྲུག་པའི་ཊའི་ཝོན་ཌོ་གི་ལུས་རྩལཔ་གཉིསཔོ་འདི་ ནོག་ཝའུཊ་གི་བསྐོར་ཐེངས་ནང་ལས་ ཕམ་སོང་ནུག