| རྫོང་ཁ། | ཨིང་ལིཤ། | གཟའ་ཉི་མ། ༢༠༡༡ ཟླ་༡ པའི་སྤྱི་ཚེས་༡༦ |
༉ རྒྱ་གར་གྱི་ ཧི་རོ་ཨའི་ལིག་ཟེར་མི་ རྐང་རྩེད་འགྲན་བསྡུར་ནང་ལུ་ བཙན་སྐྱོགས་རྡོ་རྗེ་གིས་འགོ་ཁྲིད་འབད་མི་ སུ་དི་ཝ་དི་ལི་ཨེཕ་སི་ཟེར་མི་རྐང་རྩེད་སྡེ་ཚན་འདི་ ད་ཅི་ཉི་མ་ རྩེད་འགྲན་འགོ་དང་པ་རྩེད་བའི་སྐབས་ ཕམ་སོང་ཡི།
༉ སྐྱེ་ལོ་༡༦་མེན་ཆད་ཀྱི་ སྤྱི་ལོ་༢༠༢༠་ལོའི་ ཨེ་ཨེཕ་སི་གོ་སྐབས་ རྐང་རྩེད་འགྲན་བསྡུར་ནང་ལས་ འབྲུག་པའི་སྡེ་ཚན་འདི་ བྷང་ལ་དེཤ་ལས་ ཕམ་པའི་ཤུལ་མ་ རྩེད་འགྲན་འབད་ནི་གི་ གོ་སྐབས་ལེན་མ་ཚུགས་པར་འདུག
༉ དུས་ཅི་གི་ འཛམ་གླིང་ཇུ་དོ་གི་འགྲན་བསྡུར་ནང་ལུ་ འབྲུག་རྒྱལ་ཁབ་ཀྱིས་གོ་སྐབས་ལེན་ནི་འདི་ ད་རིས་ འབྲུག་པའི་ཇུ་དོ་རྩེད་འགྲན་པ་ རྟ་མགྲིན་དབང་ཕྱུག་ ཕམ་མི་དང་འབྲེལ་མཇུག་བསྡུ་སྟེ་འདུག
༉ སྤྱི་ལོ་༢༠༡༩་གི་ ཐིམ་ཕུག་ལིག་གི་ ཨམ་སྲུའི་རྐ་རྩེད་འགྲན་བསྡུར་ནང་ལས་ སཎ་རའི་ཝུ་མེཎ་ཨེཕ་སི་སྡེ་ཚན་གྱིས་ རྒྱལ་ཁ་ཐོབ་ནུག
༉ རྒྱལ་གཞུང་ཞི་གཡོག་ལྷན་ཚོགས་ཀྱིས་ ཐིམ་ཕུག་ལུ་སྦེ་ ཞི་གཡོགཔ་ཚུ་གི་དོན་ལས་ བང་རྒྱུགས་ཀྱི་ལས་རིམ་ འགོ་དང་པ་ འགོ་འདྲེན་འཐབ་ས་ལུ་ ཞི་གཡོགཔ་སྟོང་ཕྲག་༢་ལྷགཔ་ཅིག་གིས་ གྲལ་ཁར་གཏོགས་ནུག
༉ གཞལ་སྒང་ལུ་ ད་རེས་འགོ་དང་པ་ རྫོང་ཁག་བང་རྒྱུགས་ཀྱི་ལས་རིམ་ཅིག་ འགོ་འདྲེན་འཐབ་ས་ལུ་ རྫོང་ཁག་འདི་ནང་གི་ཞི་གཡོགཔ་དང་ དམག་སྡེའི་མི་ངོམ་ དེ་ལས་ ནང་གི་ཨམ་ཚུ་རྩིས་ཏེ་ མི་༡༥༠་དེ་ཅིག་གིས་ གྲལ་ཁར་གཏོགས་ཡོདཔ་ཨིན་མས།
༉ ཕུན་ཚོགས་གླིང་ལུ་ བེཊ་མིཎ་ཊཱན་གྱི་འགྲན་བསྡུར་ཐེངས་༢པ་འདི་ བདུན་ཕྲག་ངལ་གསོའི་སྐབས་ལུ་ འགོ་འདྲེན་འཐབ་ཡོདཔ་ཨིན་མས།
༉ བུམ་ཐང་ བྱ་དཀར་ལུ་ ད་རིས་ ཀི་ལོ་མི་ཀྲར་༡༢འབད་མི་ རྐང་འཁོར་རྒྱུག་འགྲན་གྱི་ལས་རིམ་ཅིག་ འགོ་འདྲེན་འཐབ་པའི་སྐབས་ ཀུན་ལེགས་ཚེ་རིང་གིས་ ཨང་དང་པ་ཐོན་ནུག
༉ ཐིམ་ཕུག་ལུ་སྦེ་འགོ་འདྲེན་འཐབ་སྟེ་ཡོད་མི་ རྒྱལ་སྤྱི་ཀེཝ་རུ་གི་ཊའི་ཀཱོན་ཌོ་གི་ འགྲན་བསྡུར་ཐེངས་༥པ་ནང་ལས་ འབྲུག་རྒྱལ་ཁབ་ཀྱིས་ རྒྱལ་ཁ་ཐོབ་ཡོདཔ་ད་ རྒྱལ་སྤྱི་པཱུམ་སེ་༽གི་འགྲན་བསྡུལ་ཐེངས་༤པ་ནང་ལུ་འབད་བ་ཅིན་ རྒྱ་གར་རྒྱལ་ཁབ་ཀྱིས་ རྒྱལ་ཁ་ཐོབ་ནུག
༉ དབང་འདུས་ཕོ་བྲང་ལུ་ གཡང་འཕེལ་ལམ་ལུགས་དང་འཁྲིལ་ཏེ་ མདའ་རྩེད་འགྲན་བསྡུར་ཅིག་འགོ་འདྲེན་འཐབ་ས་ལས་ དུས་ཅི་ བྷི་ལེཆ་ཧོ་ཊལ་ཟེར་མི་སྡེ་ཚན་གྱིས་ རྒྱལ་ཁ་ཐོབ་ནུག