| རྫོང་ཁ། | ཨིང་ལིཤ། | གཟའ་པ་སངས། ༢༠༢༠ ཟླ་༤ པའི་སྤྱི་ཚེས་༢ |
༉ མོང་སྒར་རྫོང་ཁག་ཁྲིམས་ཀྱི་འདུན་ས་ལུ་ མི་དམངས་ངོས་སྦྱོར་ཡིག་ཚང་ཅིག་སྒོ་ཕྱི་སྟེ་ཡོདཔ་ལས་ ཤར་ཕྱོགས་རྫོང་ཁག་གི་མི་སེར་ཚུ་གིས་ ད་ལས་ཕར་ ཁྲིམས་དོན་ངོས་སྦྱོར་གྱི་ཞབས་ཏོག་ཚུ་ལེན་པར་ ཐིམ་ཕུག་ལུ་ འགྱོ་དགོཔ་མི་འཐོན་ནི་ཨིན་མས།
༉ གཞལ་སྒང་རྫོང་ཁག་ནང་ལུ་ འཕྲལ་ཁམས་ཅིག་ཁར་ འབྲུག་གི་བྱ་རིགས་དུས་སྟོན་བརྩི་སྲུང་འབད་བའི་སྐབས་ ཤ་རོགསཔ་ཕོ་སྐྱེས་༣༥དེ་ཅིག་གིས་ ད་ལས་ཕར་ སེམས་ཅན་ཚུ་སྲོག་བཅོད་འབད་འདི་ སྤང་ནི་ཟེར་བའི་ ཁས་ལེན་འབད་དེ་འདུག
༉ འབྲུག་པེ་ར་ལིམ་པིག་ཚོགས་པའི་ནང་ལས་ སློབ་སྟོན་པ་༥གིས་ ད་རེས་འགོ་དང་པ་ ཇ་པཱན་ལུ་སྦེ་ ཉིནམ་༣གྱི་རིང་ལུ་ པེ་ར་གི་རྩེད་རིགས་མ་འདྲཝ་༤གི་ཐོག་ལུ་ སྦྱོར་བརྡར་དང་ཤེས་ཡོན་ལས་རིམ་ནང་ གྲལ་ཁར་གཏོགས་པའི་བསྒང་རང་འདུག
༉ གསོ་བའི་འགོ་དཔོན་ཚུ་ལུ་ ཨ་ལུ་ཟླཝ་མ་ཚངམ་ལས་སྐྱེས་མི་དང་ ཨ་ལུ་ཚུ་ལུ་ཤི་རྐྱེན་འབྱུང་མི་གི་གནད་དོན་འདི་ བཀག་ཆ་འབད་ནི་གི་ཐད་ཁར་ ད་ལྟོའི་བར་ན་ཡང་ གདོང་ལེན་ཅན་ཅིག་སྦེ་རང་ འབྱུང་སྟེ་འདུག
༉ ཀྲོང་གསར་རྫོང་ཁག་ཁྲིམས་ཀྱི་འདུན་ས་ལས་ གཟའ་པ་སངས་ཀྱི་ཚེ་ ཀྲོང་གསར་ལུ་ ས་ཆ་དང་འབྲེལ་བའི་ངན་ལྷད་ཀྱི་གནད་དོན་ནང་ལུ་ མི་༧ ཉེས་པ་ཡོདཔ་སྦེ་ཨིནམ་མ་ཚད་ ནུབ་སྦིས་རྒེད་འོག་གི་ མཐུ་མང་ལུ་ ཉེས་ཅན་ ཀརྨ་ཚུལ་ཁྲིམས་སྒྲོལ་མ་གི་མིང་ཐོག་ཁར་ ཡོད་པའི་ ས་ཆ་ཨེ་ཀར་༤དང་དྲི་སི་མཱལ་༧༣འབད་མི་འདི་ཡང་ གཞུང་ལུ་ ལོག་ཕུལ་དགོཔ་སྦེ་ འཁྲུན་ཆོད་བཏོན་ཏེ་འདུག
༉ བསམ་རྩེ་རྫོང་ཁག་ ངག་དབང་འགྲམ་སྟོད་ཀྱི་ ལྷོབ་མི་སྡེ་ཚུ་གིས་ ཁོང་རའི་ངོ་རྟགས་ཚུ་ ཉམས་འགྱོ་བའི་ཚ་གྱང་ ལང་དོ་ཡོདཔ་ཨིན་མས།
༉ དབང་འདུས་ཕོ་བྲང་ སྒང་སྟེང་དང་ཕོབ་སྦྱིས་ཁ་ལུ་ ཁྲུང་ཁྲུང་དཀརམོ་གི་དུས་སྟོན་འདི་གིས་ ས་གནས་འདི་ཁའི་མི་སེར་ཚུ་དང་བྱ་འདི་གི་བར་ན་ལུ་ བརྩེ་གདུང་དང་དག་སྣང་འདི་ཚུ་ ག་དེ་སྦེ་རང་ཡོདཔ་ཨིན་ན་ཚུ་ གསལ་སྟོན་འབདཝ་ཨིན་མས།
༉ ད་རིས་ འབྲུག་གི་རྒྱལ་རབས་༤་པ་ དཔལ་མི་དབང་ འཇིགས་མེད་སེང་གེ་དབང་ཕྱུག་མཆོག་གི་ འཁྲུངས་སྐར་དུས་ཆེན་དང་འབྲེལ་ མི་དབང་རྒྱལ་ཚབ་ འཇིགས་མེད་རྡོ་རྗེ་དབང་ཕྱུག་མཆོག་གིས་ མོང་སྒར་ གླིང་མའི་ཐང་ལུ་ཡོད་པའི་ འབྲུག་སོ་ནམ་ཐོན་སྐྱེད་བཟོ་གྲྭ་འཕྲུལ་ཁང་ནང་ལུ་ བཟོ་གྲྭ་འཕྲུལ་ཁང་གསརཔ་ཅིག་ འགོ་འབྱེད་མཛད་གནང་ཡི།
འདི་བསྒང་ མི་དབང་རྒྱལ་ཚབ་མཆོག་གི་ཕྱག་ཞུ་སྟེ་ ཨ་ཞེས་ ཡིད་མཚོ་ལྷ་མོ་བྱོན་གནང་ནུག
༉ དར་དཀར་ན་རྫོང་ཁག་གིས་ ཟ་འཐུང་ཉེན་སྲུང་གི་ཐད་ཁར་ རང་མགོ་རང་འདྲོངས་སྒྲུབ་ནི་དང་ དཔལ་འབྱོར་གོང་འཕེལ་བཏང་ནི་གི་དོན་ལུ་ དར་དཀརཔོ་སོ་ནམ་དུས་སྟོན་ ཐེངས་དང་པ་འདི་ ད་རིས་ སྒོ་ཕྱི་ནུག
༉ བསམ་རྩེ་ལུ་ སྨོན་ལམ་ཆེན་མོ་གནང་ས་ལུ་ ད་རིས་ མི་དབང་འབྲུག་རྒྱལ་བཞི་པ་མཆོག་གི་ འཁྲུངས་སྐར་དུས་ཆེན་ བརྩི་སྲུང་ཞུ་མི་དང་འབྲེལ་ མི་དབང་མཆོག་གི་ སྐུ་སྲོག་བྲག་ལས་བརྟན་ཐབས་ལུ་ མཆོད་མེ་ཚུ་ཕུལ་གནང་ནུག