རྫོང་ཁ། | ཨིང་ལིཤ། གཟའ་མིག་དམར། ༢༠༡༨ ཟླ་༦ པའི་སྤྱི་ཚེས་༡༨

མི་སྡེ།

བྱེམ་རློནམ་འབག་མི་སྣུམ་འཁོར་ནང་ལས་ ཆུ་འཛག་མི་ལུ་བརྟེན་ཏེ་ གཞུང་ལམ་མེདཔ་བཏང་དོ་ཡོདཔ།

༉ སྤུ་ན་ཁ་གི་ ལམ་སེལ་ལས་ཁུངས་ཀྱི་ འགོ་དཔོན་ཚུ་གིས་སླབ་མི་ནང་ ཐིམ་ཕུག་དང་དབང་འདུས་ཀྱི་བར་ན་གཞུང་ལམ་རྒྱ་སྐྱེད་འབད་ཚར་ཏེ་ཡོད་མི་འདི་ བྱེམ་རློནམ་འབག་མི་སྣུམ་འཁོར་ནང་ལས་ ཆུ་འཛག་མི་ལུ་བརྟེན་ཏེ་ མེདཔ་བཏང་མས་ཟེར་ཨིན་མས།

སྤའི་སྦང་དང་གོང་ཕུ་བར་ནའི་སོ་ནམ་ཞིང་ལམ་འདི་ སྣུམ་འཁོར་རྒྱུན་འགྲུལ་གྱི་དོན་ལུ་ སྒོ་ཕྱི་ནི་ཨིནམ།

༉ གཞལ་སྒང་ལུ་ཡོད་པའི་ སྤའི་སྦང་དང་གོང་ཕུ་བར་ནའི་ སོ་ནམ་ཞིང་ལམ་འདི་ བདུན་ཕྲག་༡དེ་ཅིག་གི་ནང་འཁོད་ལུ་ སྣུམ་འཁོར་རྒྱུན་འགྲུལ་གྱི་དོན་ལས་ སྒོ་ཕྱི་ནི་ཨིན་མས།

ཟམ་གཏན་ཏོག་ཏོ་ཅིག་མེད་མི་ལུ་བརྟེན་ ལམ་སྦིས་ལམ་འགྱོ་ས་སྤྱི་འོག་གི་ མི་སེར་ཚུ་ལུ་ གདོང་ལེན།

༉ བསམ་རྩེ་རྫོང་ཁག་ ནོར་བུ་སྒང་རྒེད་འོག་ ཕྲ་རེ་ཆུ་གུ་ལས་ སྣུམ་འཁོར་ཐལ་བའི་ཟམ་༢་དགོཔ་འཐོན་ཏེ་སྦེ་འདུག

དུས་སྟོན་བརྩི་སྲུང་གི་སྐབས་ལུ་ མི་སྟོབས་ལང་མ་ཚུགསཔ།

༉ རྒྱལ་ཁབ་ཀྱི་གྲོང་གསེབ་ མང་ཤོས་ཅིག་ནང་ལུ་བཟུམ་སྦེ་རང་ བུམ་ཐང་ ཨུ་ར་ལུ་ཡང་ གྲོང་གསེབ་ལས་ཁྲོམ་ཁ་ལུ་ གནས་སྤོ་འགྱོ་བའི་གནོད་པ་ཚུ་ འབྱུང་ནི་འགོ་བཙུགས་ཏེ་འདུག

ཕྱགས་སྙིགས་ཕྱི་སེལ་རྐྱབ་སའི་ ས་གོ་ལས་བརྟེན་ཏེ་ འཕྲོད་བསྟེན་ལུ་གནོད་ཉེན།

༉ ཐིམ་ཕུག་ སྐལ་སྐྱིད་སློབ་གྲྭའི་འོག་ལུ་ཡོད་མི་ གཱི་ནཱར་ཝེ་གི་ཕྱགས་སྙིགས་ཕྱི་སེལ་རྐྱབ་སའི་ས་གོ་འདི་ མི་ཚུ་གིས་ ཕྱགས་སྙིགས་འདི་ཚུ་ག་ལྷོད་ བཀོག་སའི་ས་སྒོ་ཅིག་ལུ་ འགྱུར་ཏེ་འདུག

ཟམ་བགག་འགྲམ་ཕོག་མི་ལས་བརྟེན་ཏེ་ འགྲུལ་པ་ཚུ་ལུ་གདོང་ལེན།

༉ མི་ཚུ་ བསམ་རྩེ་ འབྲས་ན་ཟམ་འདི་ བགག་འགྲམ་ལེ་ཤ་ཅིག་རང་ཕོག་སྟེ་ཡོདཔ་ལས་ མི་ཚུ་ ཟམ་འདི་ཁ་ལས་འགྱོ་ནི་འདི་ ཚ་གྱལ་ལང་དགོ་པའི་གཞི་ཅིག་ལུ་ འགྱུར་ཏེ་འདུག

སུ་ཀྲཱ་ཊི་གཙང་ཆུ་གུ་ལས་ ཟམ་རྐྱབ་ནི་གི་ལཱ་འདི་ ཞག་དུས་ཁར་མཇུག་བསྡུ་མ་ཚུགས་པར་ཡོདཔ།

༉ བསམ་རྩེ་རྫོང་ཁག་ ཕུན་ཚོགས་དཔལ་རི་རྒེད་འོག་དང་ བསམ་རྩེ་རྒེད་འོག་གི་ སྤྱི་འོག་༢ཀྱི་མི་སེར་ཚུ་ སུ་ཀྲཱ་ཊི་གཙང་ཆུ་གུ་ལས་ སྣུམ་འཁོར་ཐལ་བའི་ཟམ་ལས་ རྒྱུན་འགྲུལ་འཐབ་ནི་གི་དོན་ལུ་ ད་རུང་ར་ སྒུག་དགོཔ་འཐོན་ནི་ཨིན་པས།

རྩི་རང་རྫོང་ཁག་ འགྲམ་ཕུག་ཁྲོམ་ནང་ སི་སི་ཀྲི་བི་གི་པར་ཆས་ཚུ་བཙུགས་ཏེ་ཡོདཔ།

༉ རྒྱལ་ཁབ་ཀྱི་ཁྲོམ་ལ་ལུ་ཅིག་ནང་ལས་ཕར་ གནད་དོན་མ་འདྲཝ་ཚུ་གི་དོན་ལས་ སི་སི་ཀྲི་བི་གི་པར་ཆས་ཚུ་ བཙུགས་ཏེ་ཡོད་མི་དང་འབྲེལ་ རྩི་རང་རྫོང་ཁག་ འགྲམ་ཕུག་ཁྲོམ་ནང་ལུ་ཡང་ པར་ཆས་ཚུ་བཙུགས་ཏེ་ ད་རེས་འབདཝ་ད་ ཟླཝ་༥དེ་ཅིག་འགྱོ་སྟེ་འདུག

སྣུམ་འཁོར་བཞག་སའི་ ས་སྒོ་ལངམ་སྦེ་མེད་པའི་ ཐབས་ལམ།

༉ ཀྲོང་གསར་ལུ་ སྣུམ་འཁོར་བཞག་སའི་ས་སྒོ་ལངམ་སྦེ་མེད་པའི་ དཀའ་ངལ་སེལ་ཐབས་ལུ་ ཁྲོམ་སྡེའི་ཡིག་ཚང་གིས་ སྣུམ་འཁོར་བཞག་ནི་གི་དོན་ལས་ སྒྲིང་ཁྱིམ་༢་རྐྱབ་ནི་གི་ འཆར་གཞི་བརྩམ་དོ་ཡོདཔ་ཨིན་མས།

གཞལ་སྒང་ འཕངས་མཁར་རྒེད་འོག་གི་ པཱ་ན་སྦིས་གཡུས་ཚན་ནང་ལུ་ འཐུང་ཆུའི་དཀའ་ངལ་ཡོདཔ།

༉ གཞལ་སྒང་རྫོང་ཁག་ འཕངས་མཁར་རྒེད་འོག་གི་ པཱ་ན་སྦིས་གཡུས་ཚན་ནང་ལུ་ འཐུང་ཆུའི་དཀའ་ངལ་འདི་ དེ་སྦེ་རང་ཐོན་ཏེ་སྡོད་པ་ཅིན་ མི་སེར་ཚུ་ ས་གནས་གཞན་ཅིག་ཁར་ གནས་སྤོ་འགྱོ་དགོ་པའི་གདུང་ཁ་ལུ་ཡང་ ཐུག་ནི་བཟུམ་ཅིག་ཡོདཔ་ཨིན་མས།