༉ ས་གནས་གཞུང་གི་བཙག་འཐུ་ ཐེངས་༣པའི་དོན་ལུ་ ཚོགས་རྒྱན་བསྐྱུར་ནི་གི་དུས་ཚོད་ རན་དོ་ཡོད་མི་དང་བསྟུན་ རྒྱལ་ཁབ་ནང་ལུ་ རྒཔོ་དང་དམངས་མི་ཚུ་ བཙག་འཐུ་འབད་བའི་ཚེས་ བསམ་གྲུབ་ལྗོངས་མཁར་ཁྲོམ་སྡེ་ནང་སྡོད་མི་ཚུ་གིས་ ཁྲོམ་དཔོན་དང་ ཁྲོམ་སྡེ་ཚོགས་པ་ཚུ་ བཙག་འཐུ་འབད་ནི་ཨིན་མས།
ཁྲོམ་དཔོན་གྱི་དོན་ལུ་ འདེམས་ངོ་༢ཀྱིས་ དོ་འགྲན་འབད་ནི་ཨིན་མས།
ཁྲོམ་དཔོན་གྱི་འདེམས་ངོ་༢ཀྱི་གྲལ་ལས་ གཅིག་འདི་ སྐྱེ་ལོ་༣༩ལང་མི་ འཕྲིན་ལས་རྣམ་རྒྱལ་ཨིནམ་ད་ ཁོ་ར་ བསམ་གྲུབ་དགའ་ཚལ་འདེམས་ཁོངས་ནང་ལས་ཨིན་མས།
འདེམས་ངོ་ འཕྲིན་ལས་རྣམ་རྒྱལ་གྱིས་ ཚོང་འབྲེལ་གྱི་ནང་ལུ་ མཐོ་རིམ་ཤེས་ཚད་མཐར་འཁྱོལ་ནུག
