༉ མོང་སྒར་གྱི་ཁྲིམས་སྲུང་འགག་པ་གིས་ ད་རིས་ སྨྱོ་རྫས་ཀེ་ཧང་ ནག་ཚོང་འཐབ་ཡོད་པའི་རྩོད་དོན་འདི་ རྩོད་དཔོན་ཡོངས་ཁྱབ་ཡིག་ཚང་ནང་ བཏང་སྟེ་འདུག
འདི་ཡང་ ཁྲིམས་སྲུང་འགག་པ་གིས་ འདས་པའི་བདུན་ཕྲག་ནང་ སྐྱེ་ལོ་༡༩ལང་མི་ ཕོ་སྐྱེས་ཅིག་གིས་ ཀེ་ཧང་འདབ་མ་ ག་རམ་༢༨དང་ ཀེ་ཧང་གི་སྨྱོ་རྫས་ ཀེ་ལྗིད་༡མ་ལང་ཅིག་འབག་སྟེ་ཡོདཔ་སྦེ་ བདའ་ཟུན་ནུག
ཁྲིམས་སྲུང་འགག་པ་དང་འཁྲིལཝ་ད་ ཕོ་སྐྱེས་འདི་ཡང་ མོང་སྒར་ རྩ་མང་ལས་ བུམ་ཐང་ཁ་ཐུག་འགྱོ་བའི་ལམ་ཁར་ བདའ་ཟུན་ཏེ་ཡོདཔ་སྦེ་ཨིན་མས།
འདི་བཟུམ་སྦེ་ ཁྲིམས་སྲུང་འགག་པ་གིས་ ཕོ་སྐྱེས་འདི་ཡང་ གསང་བའི་སྙན་ཞུ་ཐོབ་པའི་ཤུལ་མ་ ཡོངས་ཀ་ལ་ལས་ བཟུང་ཡོདཔ་ཨིན་མས།
འདི་དང་གཅིག་ཁར་ ཕོ་སྐྱེས་འདི་ལུ་ བརྟག་དཔྱད་འབད་བའི་སྐབས་ སྨྱོ་རྫས་སྤྱོད་དེ་ཡོདཔ་སྦེ་ ཧ་གོ་སྟེ་འདུག