རོ་ཁྱི་སྤྱང་ཁྱི་ལུ་ ལྟོ་འབྱིན་ནི་གི་ལས་རིམ།

ནད་ཡམས་ཀོ་ཝིཊ་ནའིན་ཊིན་ཐོན་སྡོད་པའི་ནམ་དུས་ལུ་ རྒྱལ་ཁབ་མང་ཤོས་ཅིག་ནང་རང་ རོ་ཁྱི་སྤྱང་ཁྱི་དང་བྱི་ལི་ཚུ་ ལྟོ་མ་ཐོབ་པར་ལུས་ནི་གི་ཉེན་ཁ་ཡོད་རུང་ འབྲུག་ལུ་ དེ་སྦེ་མེདཔ་ཨིན་མས།

འདི་ཡང་ རྒྱལ་པོའི་གཟིམ་དཔོན་ཡིག་ཚང་གིས་ རོ་ཁྱི་སྤྱང་ཁྱི་ལུ་ ལྟོ་འབྱིན་ནི་གི་ལས་རིམ་ཅིག་ འགོ་འདྲེན་འཐབ་ནི་འདི་གིས་ཨིན་མས།

ལས་རིམ་འདི་གིས་ ཐིམ་ཕུག་དང་སྤ་རོ་གི་ རོ་ཁྱི་སྤྱང་ཁྱི་ལུ་ ད་རིས་ཡང་ འཕྲོ་མཐུད་དེ་རང་ ལྟོ་ཚུ་འབྱིན་དོ་ཡོདཔ་ཨིན་མས།

ལྟོ་འདི་ཡང་ བདེ་སྲུངཔ་སྡེ་ཚན་གཅིག་གིས་ ཐིམ་ཕུག་ལུ་ཡོད་པའི་ ཁོང་རའི་ཐབ་ཚང་དང་ ལུང་བསྟན་ཕུག་ བསྟན་སྲུང་དམག་མི་ནང་ལས་ བསྡུ་ཞིམ་ལས་ འབྱིན་དོ་ཡོདཔ་ཨིན་མས།

ཨིན་རུང་ ལྟོ་འདི་ཚུ་བསྡུ་བའི་སྐབས་ལུ་ བདེ་སྲུངཔ་སྡེ་ཚན་འདི་གིས་ གསོ་བའི་སྒྲིག་གཞི་ ཁ་རས་སྤུར་ནི་ཚུ་ལུ་ དམ་དམ་སྦེ་རང་ གནས་དོ་ཡོདཔ་སྦེ་བཤད་ཅི།

བདེ་སྲུངཔ་སྡེ་ཚན་ལྔ་འབད་མི་ཅིག་གིས་ ཉིན་བསྟར་ཞིན་ ཐིམ་ཕུག་ཁྲོམ་ཁ་ལུ་ཡོད་པའི་ རོ་ཁྱི་སྤྱང་ཁྱི་༣༠༠ལྷགཔ་ཅིག་ལུ་ ལྟོ་ཚུ་འབྱིན་དོ་ཡོདཔ་ཨིན་མས།

མི་ཚུ་གིས་ ད་རེས་ འགྲོ་འགྲུལ་བཀག་དམ་དང་ དཔལ་འབྱོར་གྱི་གནས་སྟངས་ལས་བརྟེན་ཏེ་ རོ་ཁྱི་སྤྱང་ཚུ་ལུ་ ལྟོ་འབྱིན་མ་ཚུགས་པར་ཡོདཔ་ལས་ ཐབས་ལམ་ནི་བཟུམ་མེད་པ་ཅིན་ རོ་ཁྱི་ཚུ་ ལྟོགསཔ་ལུས་ནི་གི་ཉེན་ཁ་སྡོད་ནུག

ན་ཧིང་ སྤྱི་ཟླ་༨པའི་འགྲོ་འགྲུལ་བཀག་དམ་གྱི་སྐབས་ལུ་ཡང་ རྒྱལ་ཁབ་ནང་གི་རོ་ཁྱི་ཚུ་ལུ་ ལྟོ་དེ་སྦེ་འབྱིན་ནི་གི་ལས་རིམ་འགོ་འདྲེན་འཐབ་སྟེ་འདུག

ནད་ཡམས་ཀོ་ཝིཊ་ནའིན་ཊིན་ལས་བརྟེན་ཏེ་ མི་སེར་ཚུ་གི་མ་དོ་བར་ རྒྱལ་ཁབ་ནང་གི་ རོ་ཁྱི་འབུམ་༡ལྷགཔ་ཅིག་ལུ་ཡང་ ཐོ་ཕོག་ཡོདཔ་ཨིན་མས།

གནས་ཚུལ་བསྡུ་ལེན་པ་ ཚེ་རིང་དོན་གྲུབ།

གཙོ་དོན།

འབྲེལ་ཡོད་གནས་ཚུལ།

བསམ་འཆར།

Facebook
Twitter
YouTube