| རྫོང་ཁ། | ཨིང་ལིཤ། | གཟའ་ཕུར་བུ། ༢༠༡༡ ཟླ་༤ པའི་སྤྱི་ཚེས་༢༡ |
༉ མི་དབང་མངའ་བདག་རིན་པོ་ཆེ་མཆོག་གིས་ ད་རིས་ རྒྱལ་ཡོངས་དུས་ཆེན་བརྩི་སྲུང་ཞུ་ས་ལུ་ གཞུང་གྲྭ་ཚང་གི་རྡོ་རྗེ་སློབ་དཔོན་ཀུན་ལེགས་ཀྱིས་ རྒྱལ་ཁབ་ཀྱི་དོན་ལུ་ ཕྱག་ཕྱིད་གང་དྲག་ཞུ་ཡོད་པའི་ངོས་འཛིན་ལུ་ འབྲུག་དབང་རྒྱལ་གྱི་རྟགས་མ་གནང་ཡི།
༉ ད་རིས་ རྒྱལ་ཡོངས་དུས་ཆེན་ཐེངས་༡༡༢པ་བརྩི་སྲུང་ཞུ་ས་ལུ་ མི་དབང་མངའ་བདག་རིན་པོ་ཆེ་མཆོག་གིས་ མགྱོགས་པ་རང་ མི་དབང་རྒྱལ་བཙུན་མཆོག་ལས་ མི་དབང་རྒྱལ་སྲས་མཆོག་གི་སྐུ་མཆེད་ཅིག་ འཁྲུངས་ནི་ཡོད་ཟེར་ གནས་ཚུལ་བཟང་པོ་གསུངསམ་ཅིག་རང་ ལྕང་གླིང་མི་ཐང་ནང་འཛོམས་མི་ཚུ་གིས་ ལགཔ་ཐལ་རྩེད་བརྡུང་ཞིནམ་ལས་ དགའ་འཚོར་ཚུ་ཞུ་ཡི།
༉ མི་དབང་མངའ་བདག་རིན་པོ་ཆེ་མཆོག་གིས་ རྒྱལ་ཡོངས་དུས་ཆེན་ཐེངས་༡༡༢པ་བརྩི་སྲུང་ཞུ་ས་ལུ་ རྒྱལ་ཡོངས་ལུ་གསུང་བཤད་གནང་པའི་སྐབས་ ན་གཞོན་ཚུ་གི་དོན་ལུ་ རྒྱལ་སྲུང་ཟེར་མི་ལས་རིམ་ཅིག་ འགོ་བཙུགས་ནི་ཨིན་པའི་སྐོར་ལས་ གསུང་གནང་ཡི།
༉ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ད་རིས་ རྒྱལ་ཡོངས་དུས་ཆེན་གྱི་ཉིནམ་དང་འབྲེལ་ ལྷུན་རྩེ་རྫོང་ཁག་ རྣམ་འགྲོ་གླིང་དགོན་འཛིན་གྲྭ་ཚང་ནང་ལུ་སྦེ་ ཉིནམ་༡གི་རིང་ལུ་ སྐུ་རིམ་གནང་ས་ལུ་དབུ་བཞུགས་གནང་ཡི།
༉ མི་དབང་མངའ་བདག་རིན་པོ་ཆེ་མཆོག་གིས་ ད་རིས་ རྒྱལ་ཡོངས་དུས་ཆེན་ཐེངས་༡༡༢པ་འདི་ ཐིམ་ཕུག་ ལྕང་གླིང་མི་ཐང་ནང་ལུ་སྦེ་ བརྩི་སྲུང་ཞུ་གནང་ཡི།