| རྫོང་ཁ། | ཨིང་ལིཤ། | གཟའ་ཕུར་བུ། ༢༠༡༡ ཟླ་༤ པའི་སྤྱི་ཚེས་༢༡ |
༉ དུས་ཅི་ སྤྱི་ཟླ་༦པ་ཚུན་ཚོད་ འབྲུག་པའི་ཕྱིའི་བདོག་གཏད་འདི་ ཡུ་ཨེསི་ཌོ་ལར་ས་ཡ་སྟོང་ཕྲག་༡དང་ཚག་༢གུ་ལྷོད་དེ་ཡོདཔ་ད་ འདི་ཡང་ ན་ཧིང་ སྤྱི་ཟླ་༡༢པ་ཚུན་དང་འཕྱདཔ་ད་ བརྒྱ་ཆ་༡༦གིས་ ཡར་སེང་སོང་སྟེ་ཡོདཔ་སྦེ་ཨིན་མས།
༉ སྤ་རོ་རྫོང་ཁག་གི་ལོ་བསྟར་སྨོན་ལམ་ཆེན་མོ་འདི་ ཁ་ཙ་ལས་ གནང་ནི་འགོ་བཙུགས་ཏེ་ཡོདཔ་ད་ སྨོན་ལམ་ཆེན་མོ་འདི་ཡང་ གཞུང་གྲྭ་ཚང་གི་རྡོ་རྗེ་སློབ་དཔོན་སྐུ་བགྲེས་ ངག་དབང་བསྟན་གྱིས་སྦེ་ དབུ་བཞུགས་གནང་དོ་ཡོདཔ་ཨིན་མས།
༉ བསམ་རྩེ་རྫོང་ཁག་ ངག་དབང་རམ་སྟོད་ཀྱི་ལྷོཔ་མི་སྡེའི་ཨ་ལུ་ཚུ་གིས་ སློབ་རིམ་༡༢་པའི་ནང་ལས་ མཐར་མ་འཁྱོལཝ་ཅིག་ལས་ར་ སློབ་གྲྭ་ནང་ལས་འཐོན་སྡོད་དོ་ཡོདཔ་ལས་ མི་སྡེ་འདི་ནང་ལུ་ མཐོ་རིམ་ཤེས་ཚད་མཐར་འཁྱོལ་མི་གཅིག་འཐོན་ཚུགས་པ་ལུ་ ཉུང་ཤོས་རང་ ལོ་དག་པ་ཅིག་འགོར་ནི་ཨིན་མས།
༉ འབྲུག་བཟོ་སྐྲུན་ཚོགས་པ་འདི་ཡང་ འབྲུག་པའི་བཟོ་སྐྲུན་ལས་སྡེ་གོང་འཕེལ་བཏང་ནི་དང་ བཟོ་སྐྲུན་ལས་སྡེའི་ངོ་ཚབ་སྦེ་ རྒྱལ་ཡོངས་དང་རྒྱལ་སྤྱིའི་གནས་ཚད་ཁ་ལུ་ བཅའ་མར་གཏོགས་ནི་གི་དོན་ལུས་ སྤྱི་ལོ་༢༠༡༢ལུ་ གཞི་བཙུགས་འབད་ནུག
༉ གསར་སྤང་རྫོང་ཁག་ ཤོམ་སྤང་ཁ་རྒེད་འོག་ནང་ལུ་སྦེ་ རྒྱལ་ཁབ་ནང་ལུ་ སྤྱི་ཟླ་འདི་གི་སྤྱི་ཚེས་༡༩ལུ་ འཛམ་གླིང་གསང་སྤྱོད་ཀྱི་ཉིནམ་བརྩི་སྲུང་འབད་མི་དང་འབྲེལ་ ཆབ་གསང་ཚུ་སྤང་ནང་ལས་ཕར་ བཏང་མ་དགོ་པའི་གྲུབ་འབྲས་བཏོན་ཏེ་ཡོད་མི་ རྒེད་འགོ་༡༢་ལུ་ ངལ་རངས་ཀྱི་ ལག་འཁྱེར་ཚུ་བྱིན་ནུག
༉ མོང་སྒར་རྫོང་ཁག་ཁྲིམས་ཀྱི་འདུན་ས་ལུ་ མི་དམངས་ངོས་སྦྱོར་ཡིག་ཚང་ཅིག་སྒོ་ཕྱི་སྟེ་ཡོདཔ་ལས་ ཤར་ཕྱོགས་རྫོང་ཁག་གི་མི་སེར་ཚུ་གིས་ ད་ལས་ཕར་ ཁྲིམས་དོན་ངོས་སྦྱོར་གྱི་ཞབས་ཏོག་ཚུ་ལེན་པར་ ཐིམ་ཕུག་ལུ་ འགྱོ་དགོཔ་མི་འཐོན་ནི་ཨིན་མས།
༉ གཞལ་སྒང་རྫོང་ཁག་ནང་ལུ་ འཕྲལ་ཁམས་ཅིག་ཁར་ འབྲུག་གི་བྱ་རིགས་དུས་སྟོན་བརྩི་སྲུང་འབད་བའི་སྐབས་ ཤ་རོགསཔ་ཕོ་སྐྱེས་༣༥དེ་ཅིག་གིས་ ད་ལས་ཕར་ སེམས་ཅན་ཚུ་སྲོག་བཅོད་འབད་འདི་ སྤང་ནི་ཟེར་བའི་ ཁས་ལེན་འབད་དེ་འདུག
༉ འབྲུག་པེ་ར་ལིམ་པིག་ཚོགས་པའི་ནང་ལས་ སློབ་སྟོན་པ་༥གིས་ ད་རེས་འགོ་དང་པ་ ཇ་པཱན་ལུ་སྦེ་ ཉིནམ་༣གྱི་རིང་ལུ་ པེ་ར་གི་རྩེད་རིགས་མ་འདྲཝ་༤གི་ཐོག་ལུ་ སྦྱོར་བརྡར་དང་ཤེས་ཡོན་ལས་རིམ་ནང་ གྲལ་ཁར་གཏོགས་པའི་བསྒང་རང་འདུག
༉ གསོ་བའི་འགོ་དཔོན་ཚུ་ལུ་ ཨ་ལུ་ཟླཝ་མ་ཚངམ་ལས་སྐྱེས་མི་དང་ ཨ་ལུ་ཚུ་ལུ་ཤི་རྐྱེན་འབྱུང་མི་གི་གནད་དོན་འདི་ བཀག་ཆ་འབད་ནི་གི་ཐད་ཁར་ ད་ལྟོའི་བར་ན་ཡང་ གདོང་ལེན་ཅན་ཅིག་སྦེ་རང་ འབྱུང་སྟེ་འདུག
༉ ཀྲོང་གསར་རྫོང་ཁག་ཁྲིམས་ཀྱི་འདུན་ས་ལས་ གཟའ་པ་སངས་ཀྱི་ཚེ་ ཀྲོང་གསར་ལུ་ ས་ཆ་དང་འབྲེལ་བའི་ངན་ལྷད་ཀྱི་གནད་དོན་ནང་ལུ་ མི་༧ ཉེས་པ་ཡོདཔ་སྦེ་ཨིནམ་མ་ཚད་ ནུབ་སྦིས་རྒེད་འོག་གི་ མཐུ་མང་ལུ་ ཉེས་ཅན་ ཀརྨ་ཚུལ་ཁྲིམས་སྒྲོལ་མ་གི་མིང་ཐོག་ཁར་ ཡོད་པའི་ ས་ཆ་ཨེ་ཀར་༤དང་དྲི་སི་མཱལ་༧༣འབད་མི་འདི་ཡང་ གཞུང་ལུ་ ལོག་ཕུལ་དགོཔ་སྦེ་ འཁྲུན་ཆོད་བཏོན་ཏེ་འདུག