| རྫོང་ཁ། | ཨིང་ལིཤ། | གཟའ་ཕུར་བུ། ༢༠༢༡ ཟླ་༩ པའི་སྤྱི་ཚེས་༢༩ |
༉ ཐིམ་ཕུག་ཁྲོམ་སྡེ་གིས་ ད་ལས་ཕར་ གཞུང་ས་སྦང་བཏབ་མི་གི་ཐད་ཁར་ དམ་དམ་འབད་རང་ ལྟ་རྟོག་འབད་ནི་གི་དོན་ལུ་ གཞུང་ས་ནང་ལུ་ གནང་བ་མེད་པར་ ཁྱིམ་འདི་ཚུ་རྐྱབ་སར་མཐོང་པ་ཅིན་ འདི་འཕྲོ་ལས་ བརྡལ་བཏང་ནི་ཨི་ནམས།
༉ བསམ་རྩེ་ ནོར་རྒྱས་སྒང་རྒེད་འོག་འོག་གི་ གོང་ཁ་དང་ ཆུ་དགུ་ དེ་ལས་ ཚྭ་ཆུ་གཡུས་ཚན་༣་གྱི་ནང་ལུ་ གློག་མེ་གི་ཞབས་ཏོག་མེད་པར་འདུག
༉ རྒྱལ་ཁབ་ནང་ལུ་ ན་གཞོན་ཚུ་ གྲོང་གསེབ་ལས་ཁྲོམ་ཁ་ལུ་ གནས་སྤོ་འགྱོ་བའི་གནད་དོན་འདི་ ཚ་གྱལ་ཅན་ཅིག་སྦེ་རང་ཡོད་མི་དང་འབྲེལ་ སྤུ་ན་ཁ་ལུ་ ངེའི་དགའ་སྐྱིད་ཀྱི་གཡུས་ཟེར་མི་ ལས་འགུལ་གྱི་ལས་རིམ་འདི་གིས་ གནད་དོན་འདི་སེལ་ནི་ནང་ ལྷན་ཐབས་འབྱུང་ཚུགས་པའི་རེ་བ་འདུག
༉ འབྲུག་ལུ་ཡུ་རོབ་གཅིག་བསྡོམས་ཚོགས་པའི་གཞུང་ཚབ་ ཡུ་གཱོ་ཨེསི་ཀྲུ་ཊོ་གིས་ ཕྲལ་ཁམས་ཅིག་ཁར་ གནས་ཚུལ་ཞལ་འཛོམས་ཅིག་ཚོགས་པའི་སྐབས་ ཡུ་རོབ་གཅིག་བསྡོམས་ཚོགས་པ་གི་ཁ་ཐུག་ལས་ འབྲུག་ལུ་ སོ་ནམ་གོང་འཕེལ་བཏང་ནི་དང་ དབང་ཚེ་ཕྱིར་སྤེལ་ཡར་དྲག་བཏང་ནི་གི་དོན་ལུ་ འཕྲོ་མཐུད་དེ་རང་ རྒྱབ་སྐྱོར་ཚུ་ཡོདཔ་སྦེ་ཨིན་མས།
༉ མི་དབང་མངའ་བདག་རིན་པོ་ཆེ་མཆོག་གིས་ ད་རིས་ བཀྲིས་བསྒང་ བཀང་ལུང་ཤེས་རབ་རྩེ་མཐོ་རིམ་སློབ་གྲྭའི་ སློབ་ཕྲུག་ཚུ་ལུ་ མཇལ་ཕྲད་གནང་ཡི།
༉ ཕྱི་འབྲེལ་ལྷན་ཁག་དང་འཁྲིལ་བ་ཅིན་ ཇ་པཱན་ལུ་ གཟའ་ཉིམ་གི་ཚེ་ རླུང་འཚུབས་འཕུ་ཡོདཔ་ཨིན་རུང་ འབྲུག་མི་ཇ་པཱན་ལུ་སྡོད་མི་ཚུ་ག་ར་ རྐྱེན་བར་ཆད་ག་ནི་མེད་པར་ ལེགས་ཤོམ་སྦེ་རང་ཡོདཔ་སྦེ་ཨིན་མས།
༉ བཀྲིས་སྒང་ བསམ་མཁར་རྒེད་འོག་གི་ སྤྱི་འོག་གསུམ་གྱི་མི་སེར་ཚུ་གིས་ ད་ལས་ཕར་ ཁོང་རའི་ཨ་ལུ་ཚུ་ ཁོང་ར་དང་ཆ་ལཱ་སར་ཁྱིད་འགྱོ་ མི་དགོ་ནི་ཨིན་མས།
༉ དར་དཀར་ན་ལུ་ཁྲིམས་སྲུང་འགག་པ་ཚུ་གིས་ སྐྱེས་ལོ་༢༦ལང་མི་ཕོ་སྐྱེས་ཅིག་གིས་ གཟའ་ཉིམ་གི་ཚེ་ སྐྱེས་ལོ་༡༤ལང་མི་བུམོ་ཅུང་གཅིག་ལུ་ དབང་བཙོང་འདོད་སྤྱོད་འབད་ཡོད་པའི་ དོགས་པ་ལས་བརྟེན་ཏེ་ དོ་དམ་འོག་ལུ་བཞག་སྟེ་འདུག
༉ སྤུ་ན་ཁ་གི་ཁྲིམས་སྲུང་འགག་པ་གིས་ ཁུ་རུང་ཐང་ལུ་ ཨརཝ་རྐུ་ཡོད་པའི་དོགས་པ་ལས་བརྟེན་ཏེ་ སྐྱེས་ལོ་༢༠ལང་མི་ཕོ་སྐྱེས་ཅིག་བཟུང་ནུག
༉ ཐིམ་ཕུག་ཁས་བླངས་རི་མོ་ཚོགས་པ་ནང་ལུ་ ཁ་ཙ་ལས་ དེང་སང་གི་རིས་མོ་སླ་བསྲ་རྐྱབ་སྟེ་ཡོད་པའི་ ལྷ་བྲིས་དང་གཞན་མི་རི་མོ་གི་རིགས་༥༠་དེ་ཅིག་ འགྲེམ་སྟོན་འབད་བའི་བསྒང་རང་འདུག