| རྫོང་ཁ། | ཨིང་ལིཤ། | གཟའ་ཕུར་བུ། ༢༠༡༡ ཟླ་༤ པའི་སྤྱི་ཚེས་༢༡ |
༉ གྲོང་གསེབ་ཚོང་ལས་གོང་འཕེལ་ལས་འཛིན་འདི་ བཟོ་གྲྭ་ཆུང་བའི་དངུལ་ཁང་ལུ་ བསྒྱུར་བཅོས་འབད་མི་འདི་གིས་ རྒྱལ་ཁབ་ནང་ལུ་ཡོད་པའི་ དངུལ་འབྲེལ་གཙུག་སྡེ་ཚུ་གིས་ ད་རེས་ སྐྱེད་མཐོ་སུ་སྦེ་ལེན་མི་གི་གནད་དོན་ཚུ་ སེལ་ཚུགས་པའི་ རེ་བ་འདུག
༉ རྒྱལ་ཡོངས་ཚོགས་འདུའི་ མི་སྡེ་དང་ལམ་སྲོལ་ཚོགས་ཆུང་གིས་ ད་རིས་ ལོ་༥འཆར་གཞི་༡༢པའི་ནང་ལུ་ ཡུན་བརྟན་གོང་འཕེལ་གྱི་དམིགས་ཡུལ་གྲུབ་ནི་གི་དོན་ལས་ ཤེས་རིག་གི་ཐད་ཁར་ རྒྱལ་ཡོངས་ཀྱི་གྲུབ་འབྲས་གཙོ་ཅན་གུ་ལུ་ སྙན་ཞུ་ཕུལ་བའི་སྐབས་ལུ་ རྒྱབ་སྣོན་ཁག་༨ཕུལ་ཏེ་འདུག
༉ ད་རིས་ རྒྱལ་ཡོངས་ཚོགས་འདུའི་ དྲི་བཀོད་ལས་རིམ་གྱི་སྐབས་ལུ་ གསོ་བའི་བློན་པོ་བདེ་ཆེན་དབང་མོ་གིས་ཞུ་མི་ནང་ གཞུང་གི་ཁ་ཐུག་ལས་ ལོ་༥འཆར་གཞི་༡༢པའི་ནང་ལུ་ གསོ་བའི་གཞི་རྟེན་སྨན་ཁང་ སྡེ་རིམ་༢པ་ག་རའི་ནང་ལུ་ ནད་པའི་འགྲུལ་འཁོར་ཚུ་ བྱིན་མི་ཚུགས་ནི་མས་ཟེར་ཞུ་ཡི།
༉ འབྲུག་རྒྱལ་ཡོངས་ཁྲིམས་དོན་གཙུག་སྡེ་གིས་ དྲང་ཁྲིམས་ཡར་དྲག་བཏང་ནི་དང་ ཁྲིམས་དང་འབྲེལ་བའི་གདམ་ཁ་ཚུ་བྱིན་ནི་གི་དོན་ལས་ འབྲུག་པའི་དྲང་ཁྲིམས་ལམ་ལུགས་ནང་ལུ་ ཁྲིམས་ཀྱི་འདུན་སར་རྩོད་ཉོགས་ནང་འགྲིགས་ཀྱི་སྡེ་ཕྲན་ཅིག་ གཞི་བཙུགས་འབད་ནི་སྦེ་འདུག
༉ བསམ་གྲུབ་ལྗོངས་མཁར་རྫོང་ཁག་ ཝང་ཕུག་རྒེད་འོག་ནང་གི་ ཁྱིམ་གུང་པ་༢༧༧དེ་ཅིག་གིས་ མི་སེར་གྱིས་ ཡུན་བརྟན་ས་གཞི་འཛིན་སྐྱོང་འཐབ་ནི་འདི་གིས་ ཁོང་རའི་མི་ཚེ་ནང་ལུ་ ས་ཆ་ཚུ་འཕྲོ་མཐུད་དེ་རང་ ལག་ལེན་འཐབ་ཚུགས་ཏེ་སྦེ་འདུག
༉ ཕུན་ཚོགས་གླིང་ལུ་ བེཊ་མིཎ་ཊཱན་གྱི་འགྲན་བསྡུར་ཐེངས་༢པ་འདི་ བདུན་ཕྲག་ངལ་གསོའི་སྐབས་ལུ་ འགོ་འདྲེན་འཐབ་ཡོདཔ་ཨིན་མས།
༉ མི་དབང་མངའ་བདག་རིན་པོ་ཆེ་མཆོག་གིས་ ད་རིས་ དབང་འདུས་ཕོ་བྲང་ བསྟན་སྐྱོང་གླིང་ལུ་སྦེ་ བདེ་སྲུང་སྦྱོང་བརྡར་ཤོ་ཐེངས་༣༤པའི་ནང་ བཅའ་མར་གཏོགས་པའི་བསྒང་ཡོད་མི་ ཁས་བླངས་པ་ཚུ་དང་གཅིག་ཁར་ མཇལ་འཕྲད་གནང་ཡི།
༉ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ད་རིས་ འགྲམ་ཕུག་ཁྲོམ་ཁ་ལུ་ བྱ་རུང་ཁ་ཤོར་གྱི་མཆོད་རྟེན་འདི་ བཀྲིས་རབ་གནས་མཛད་གནང་ཡི།
༉ དུས་ཅི་ སྤྱི་ཟླ་༣པའི་ནང་ལུ་ འགོ་འདྲེན་འཐབ་སྟེ་ཡོད་མི་ གྲོགས་རམ་མཉམ་འབྲེལ་ཞལ་འཛོམས་ཐེངས་༡༤པའི་སྐབས་ལུ་ འབྲུག་རྒྱལ་ཁབ་ཀྱིས་ གྲོགས་རམ་འབད་མི་རྒྱལ་ཁབ་ཚུ་གི་ནང་ལས་ དངུལ་ཀྲམ་ས་ཡ་སྟོང་ཕྲག་༦༣དང་ས་ཡ་༢༠༠ གནང་སྦྱིན་སྦེ་ཐོབ་སྟེ་འདུག
གནད་དོན་འདི་ཡང་ ངང་ལམ་འདེམས་ཁོངས་ནང་ལས་འཐུས་མི་ ཆོས་གྲགས་རྒྱ་མཚོ་གིས་ གྲོགས་རམ་མཉམ་འབྲེལ་ཞལ་འཛོམས་ཀྱི་སྐབས་ལུ་ གནང་སྦྱིན་དང་སྐྱིན་འགྲུལ་ཚུ་གི་ཐད་ཁར་ ཁས་ལེན་འབད་དེ་ཡོད་པའི་སྐོར་ལས་ དྲི་བ་ཞུ་བའི་ལན་ལུ་ ཕྱི་འབྲེལ་བློན་པོ་ རྟ་མགྲིན་རྡོ་རྗེ་གིས་ཞུ་སྟེ་ཡོདཔ་ཨིན།
༉ ཞབས་ཏོག་ལྷན་ཁག་གིས་ ཤིང་མཁར་དང་སྒོར་གཱན་གྱི་བར་ན་ ཕྲང་ལམ་སེལ་ནི་གི་དོན་ལུ་ ད་རེས་ རྒྱལ་ཡོངས་མཐའ་འཁོར་གནས་སྟངས་ལྷན་ཚོགས་ནང་ལས་ མཐའ་འཁོར་ཉོག་མེད་ཀྱི་གནང་བ་འདི་ མ་ཐོབ་པར་ཡོདཔ་ཨིན་མས།