| རྫོང་ཁ། | ཨིང་ལིཤ། | གཟའ་མིག་དམར། ༢༠༢༡ ཟླ་༡༠ པའི་སྤྱི་ཚེས་༡༡ |
༉ ཀྲོང་གསར་རྫོང་ཁག་ ནུབ་སྦིས་་་སྟང་སི་སྦྱིས་འདེམས་ཁོངས་ཀྱི་ འབྲུག་ཕུན་སུམ་ཚོགས་པའི་འདེམས་ངོ་ དངོས་གྲུབ་བཟང་པོ་གིས་ འདས་པའི་བདུན་ཕྲག་ནང་ རྫོང་ཁག་བཙག་འཐུའི་རྩོད་རྙོག་སེལ་ཐབས་འདུས་ཚོགས་ལུ་ འབྲུག་མཉམ་རུབ་ཚོགས་པའི་འདེམས་ངོ་གིས་ མི་སྡེའི་བརྡ་བརྒྱུད་ཝི་ཅེད་ནང་ལུ་སླབ་སྟེ་ཡོད་པའི་ སྒྲ་བཟུང་འདི་ གྲུབ་བྱེད་སྦེ་ཕུལ་ཏེ་འདུག
༉ འབྲུག་གི་བཙག་འཐུ་ལྷན་ཚོགས་ཀྱིས་ སྲིད་དོན་ཚོགས་པ་༢ཀྱི་འདེམས་ངོ་༩༤གི་དོན་ལུ་ བསྐུལ་བསྒྲགས་ཀྱི་མ་དངུལ་ དངུལ་ཀྲམ་ས་ཡ་༡༤ལྷགཔ་ཅིག་ བཏང་དགོཔ།
༉ རྒྱལ་གཞུང་ཞི་གཡོག་ལྷན་ཚོགས་ཀྱིས་ འཕྲལ་ཁམས་ཅིག་ཁར་ ལོ་བསྟར་སྙན་ཞུ་ཅིག་ གསར་བཏོན་འབད་དེ་ཡོད་མི་དང་འཁྲིལཔ་ད་ ལྷན་ཚོགས་འདི་ནང་ལུ་ ཞི་གཡོགཔ་འདི་ཚུ་ གྱངས་ཁ་ཉུང་སུ་ཅིག་དང་ འཇོན་ཐངས་ཅན་སྦེ་བཞག་ནི་ནང་ལུ་ གདོང་ལེན་འབྱུང་དོ་ཡོདཔ་སྦེ་ཨིན་མས།
༉ སྤུ་ན་ཁ་རྫོང་ཁག་ གླིང་མུ་ཁ་རྒེད་འོག་ དོམ་པ་ལ་གཡུས་ཚན་ནང་ལུ་ འཐུང་ཆུའི་བརྐ་ཚད་ཅིག་ལས་བརྒལ་མེད་མི་ལུ་བརྟེན་ ཁྱིམ་གུང་རེ་གིས་ ཆུ་འདི་ བསྐོར་བཙར་ཡི་རང་ བཟེད་འཐུང་དགོཔ་ཐོན་ཏེ་འདུག
༉ འབྲུག་མཉམ་རུབ་ཚོགས་པའི་ ཁས་བླངས་གསལ་བསྒྲགས་ཚུ་གི་གྲལ་ལས་ གཅིགཔོ་འདི་ རྒྱལ་ཁབ་ནང་ལུ་ ཝའི་ཕའི་གི་ཞབས་ཏོག་འདི་ རིན་མེད་སྟོང་པ་སྦེ་ བྱིན་ནི་འདི་ཨིན་མས།
༉ བཀྲ་ཤིས་སྒང་རྫོང་ཁག་ ཁ་གླིང་ལུ་ མི་སེར་སོ་ནམ་པ་གཅིག་གིས་ ཧེ་མ་ ཤིང་འབྲས་ཀྱི་ལྕངམ་ གསོ་སྐྱོང་ཁང་གཅིག་འགོ་བཙུགས་པའི་སྐབས་ ཚོང་འབྲེལ་ལེགས་ཤོམ་སྦེ་རང་འགྱོ་ཡོདཔ་ཨིན་རུང་ འཕྲལ་ཁམས་གཅིག་ལས་ ལེགས་ཤོམ་སྦེ་འགྱོ་མ་བཏུབ་པར་འདུག
༉ བསམ་གྲུབ་ལྗོངས་མཁར་རྫོང་ཁག་ བསམ་གྲུབ་ཆོས་གླིང་དྲུང་ཁག་གི་ ཚོང་པ་༣༡ ལུ་ ས་ཆའི་སྐྱིད་སྡུག་ཚུ་ཐོབ་སྟེ་ཡོདཔ་ལས་ ད་ལས་ཕར་ ཁོང་ཚོང་པ་ཚུ་གིས་ ཚ་འགྱང་ག་ནི་ཡང་མེད་པར་ ཚོང་ལཱ་ལེགས་ཤོམ་སྦེ་འབད་ཚུགས་ནི་ཨིན་མས།
༉ དབང་འདུས་རྫོང་ཁག་ གངས་སྟེངས་རྒེད་འོག་འདི་ བལྟ་བཤལཔ་འོང་སའི་ས་གནས་ ཡོངས་གྲགས་ཅན་ཅིག་ཨིན་མས། འདི་གི་སྦེ་ རྒེད་འོག་འདི་ནང་གི་མི་སེར་ཚུ་གིས་ ས་སྒོ་འདི་ མཛེས་ཏོག་ཏོག་དང་ ཧིང་སང་ས་སྦེ་བཞག་ནིའི་དོན་ལུ་ བརྩོན་ཤུགས་སྐྱེད་དོ་ཡོདཔ་ཨིན་རུང་ ཕྱགས་སྙིགས་བསྡུ་ལེན་འབད་ནི་འདི་ གདོང་ལེན་ཅན་ཅིག་སྦེ་རང་ཡོདཔ་ཨིན་མས།
༉ འཕྲལ་ཁམས་ཅིག་ཁར་ གསར་སྟོན་འབད་དེ་ཡོད་པའི་ མི་སྟོབས་གོང་འཕེལ་གྱི་ཀ་རིམ་སྙན་ཞུ་དང་འཁྲིལ་བ་ཅིན་ རྒྱལ་ཁབ་༡༨༩ ནང་ལས་ འབྲུག་རྒྱལ་ཁབ་འདི་ གནས་རིམ་༡༣༤ པའི་ནང་ཚུད་དེ་ཡོདཔ་སྦེ་ཨིན་མས། སྙན་ཞུ་འདི་ཡང་ རང་སོའི་རྒྱལ་ཁབ་ནང་ལུ་ ཚེ་ཚད་དང་ཤེས་རིག་ དེ་ལས་ མི་རེ་གི་འོང་འབབ་ཚུ་ལུ་ གཞི་བཞག་སྟེ་ཨིན་མས།
༉ མི་དབང་རྒྱལ་ཡུམ་ རྡོ་རྗེ་དབང་མོ་དབང་ཕྱུག་མཆོག་གིས་ ད་རིས་ རྒྱ་གར་གྱི་རྒྱལ་ས་ནིའུ་དེ་ལི་ལུ་ བྷུ་ཊན་ཝིཀ་ཟེར་མི་ལས་རིམ་འདི་ འགོ་འབྱེད་མཛད་གནང་ནུག