| རྫོང་ཁ། | ཨིང་ལིཤ། | གཟའ་ཕུར་བུ། ༢༠༢༡ ཟླ་༩ པའི་སྤྱི་ཚེས་༨ |
༉ ཆུ་ཁ་རྫོང་ཁག་ དར་ལ་རྒེད་འོག་ནང་ལུ་ གཟའ་མིག་དམར་གྱི་ཚེས་ རླུང་འཚུབ་འཕུ་མི་འདི་གིས་ ཁྱིམ་གུང་པ་༡༢ཀྱི་ ཁྱིམ་ཐོག་ལུ་གནོད་སྐྱོན་རྐྱབ་སྟེ་ཡོདཔ་མ་ཚད་ ལོ་ཐོག་ཚུ་ཡང་མེདཔ་བཏང་སྟེ་འདུག
༉ མི་ཚུ་ལུ་ དྲང་ཁྲིམས་ཀྱི་ཞབས་ཏོག་ཚུ་ འཇམ་ཏོང་ཏོ་སྦེ་ཐོབ་ཚུགསཔ་ བཟོ་ཐབས་ལུ་གམིགས་ཏེ་ འབྲུག་དྭངས་གསལ་རྩོལ་སྒྲུབ་ཀྱིས་ དགེ་ལེགས་ཕུག་ལུ་སྦེ་ ཁྲིམས་ཀྱི་སྐུལ་ཁྱབ་དང་ལམ་སྟོན་ལྟེ་བ་ཅིག་ སྒོ་ཕྱི་ནུག
༉ གསར་སྤང་ལུ་ བསྟན་སྲུང་དམག་མི་གཅིག་གིས་ སྐྱེས་ལོ་༩ལང་མི་བུམོ་ཅུང་གཅིག་ལུ་ དབང་བཙོང་འདོད་སྤྱོད་འབད་ཡོད་པའི་དོགས་པ་ལས་བརྟེན་ ཁྲིམས་སྲུང་འགག་པའི་དོ་དམ་འོག་ལུ་ ཡོདཔ་ཨིན་མས།
༉ རྒྱལ་ཁབ་ནང་ལུ་ གནམ་བྱཱར་གྱི་དུས་ཚོད་འདི་ ཤུལ་མའི་ཟླཝ་གི་ བདུན་ཕྲག་དང་པའི་ནང་ལས་ འགོ་བཙུགསཔ་ཨིན་མས།
༉ ཟླ་ཁྲག་འཕྲོད་བསྟེན་གྱི་ཉིནམ་དང་འབྲེལ་ འགྲམ་ཕུག་སློབ་གྲྭ་ལྟེ་བ་གིས་ གཙང་རས་རང་དབང་གི་ཉིནམ་ བརྩི་སྲུང་འབད་ནུག
༉ བུམ་ཐང་ལུ་ཡོད་པའི་ རྒྱལ་ཡོངས་སྒོ་ནོར་རྩྭ་ཆག་ཞིབ་འཚོལ་དང་གོང་འཕེལ་ལྟེ་བ་གིས་ མི་སེར་ཚུ་ལུ་ ནོར་གྱི་ཆག་གི་སོན་བཀྲམ་ནི་གི་དོན་ལས་ པདྨ་དགའ་ཚལ་ལུ་སྦེ་ པེ་ཆོང་ནེ་པི་ཡར་ཟེར་མི་ རྩྭ་གི་རིགས་ཅིག་ བཙུགས་ནུག
༉ རྩི་རང་རྫོང་ཁག་ འགྲམ་ཕུག་ཁྲོམ་གི་ ཚོད་བསྲེ་བཙོང་སའི་ས་སྒོ་ནང་ལས་ཐོན་འགྱོ་མི་ འཁོར་ལམ་འདི་ ཧོག་ཀ་ཐོན་ཏེ་ཡོདཔ་ལས་ རྒྱུན་འགྲུལ་འཐབ་མི་ཚུ་ལུ་ སྟབས་མ་བདེཝ་ཐོན་ཏེ་འདུག
༉ བསམ་རྩེ་རྫོང་ཁག་ རྡོ་རོ་ཁ་དྲུང་ཁག་ནང་ལུ་ ཉིནམ་༤གི་ ལོ་བསྟར་རྩེད་རིགས་དང་ ལམ་སྲོལ་དུས་སྟོན་གྱི་དོན་ལུ་ མི་༦༠༠ལྷགཔ་ཅིག་ འཛོམས་ནུག
༉ བུམ་ཐང་ལུ་ ལག་རྩེད་བཱོ་ལི་བཱོལ་གྱི་འགྲན་བསྡུར་ཅིག་ འགོ་འདྲེན་འཐབ་པའི་སྐབས་ ཨམ་སྲུ་བཅར་མར་གཏོགས་མི་འདི་ ལེ་ཤ་སྦེ་འཐོན་ཡོདཔ་ཨིན་རུང་ བསམ་གྲུབ་ལྗོངས་མཁར་བཟུམ་ཅིག་ལུ་འབད་བ་ཅིན་ དེ་ཅིག་རང་མ་འཐོནམ་ཨིན་མས།
༉ མི་དབང་མངའ་བདག་རིན་པོ་ཆེ་མཆོག་གིས་ ཁ་ཙ་ ཐིམ་ཕུག་ བཀྲིས་ཆོས་རྫོང་ནང་ལུ་སྦེ་ ཕྲལ་ཁམས་གཅིག་ཁར་ རྒྱལ་ཡོངས་ཚོགས་སྡེ་གི་ བཙག་འཐུ་གྲུབ་སྟེ་ཡོད་མི་ འཐུས་མི་༢༠་དང་ ཁྱད་ལྡན་གྱི་འཐུས་༥་ལུ་ བཀྲིས་ལེགས་དར་གནང་ཡི།