| རྫོང་ཁ། | ཨིང་ལིཤ། | གཟའ་ཕུར་བུ། ༢༠༢༡ ཟླ་༩ པའི་སྤྱི་ཚེས་༨ |
༉ བུམ་ཐང་ལུ་ཡོད་པའི་ སྟང་སློབ་གྲྭ་ལྟེ་བའི་ སློབ་ཕྲུག་ཚུ་གིས་སླབ་མི་ནང་ སློབ་གྲྭ་འདི་ནང་ལུ་ ད་རེས་ཡོད་པའི་ ཆུ་བཀྲམ་སྤེལ་འདི་གིས་ ཁ་ལག་འཁྱུ་ནི་གི་དོན་ལུ་ཡང་ ལང་མ་ལངམ་ཅིག་སྦེ་ སྡོད་དགོཔ་འཐོན་དོ་ཡོདཔ་ལས་ ཆུའི་བཀྲམ་སྤེལ་ ཁ་སྐོང་དགོཔ་འདུག་ཟེར་ སླབ་དོ་ཡོདཔ་ཨིན་མས།
༉ བསམ་རྩེ་ལུ་ གདམ་དུམ་བཟོ་གྲྭ་ས་ཁོངས་ནང་ལུ་ དུས་ཅི་ སྤྱི་ཟླ་༧མཇུག་བསྡུ་ཁམས་ཅིག་ལས་ འཁོར་ལམ་དང་ ཆུ་བཀྲམ་སྤེལ་ དེ་ལས་ ས་མཚམས་ཀྱི་རྩིག་གྱང་དང་ ཅ་ཆས་འཛིན་སྐྱོང་ཡིག་ཚང་རྐྱབ་ནི་ལ་སོགས་པའི་ གཞི་རྟེན་མཐུན་རྐྱེན་བཙུགས་ནི་གི་ལཱ་ཚུ་ མཇུག་བསྡུ་ཚུགས་པའི་རེ་བ་འདུག
༉ བུམ་ཐང་སྟང་རྒེད་འོག་གི་དོན་ལས་ རྒེད་འོག་ལྟེ་བའི་ལམ་འདི་ རྩི་ནག་བཏང་ཡོད་མི་འདི་གིས་ མི་སེར་ཚུ་ལུ་ ཕན་ཐོག་བྱུང་སྟེ་འདུག
༉ པདྨ་དགའ་ཚལ་ ངང་ལམ་གྱི་ བཙན་ཀ་རི་ཁྲོམ་ཁ་ལུ་ མེ་རྐྱེན་བྱུང་སྟེ་སྦེ་ ཟླཝ་ལྷགཔ་ཅིག་འགྱོ་བའི་ཤུལ་མ་ འདི་ནང་གི་གནས་སྟངས་ཚུ་ ཨ་རྟག་ག་ཨིནམ་སྦེ་འགྱུར་དོ་ཡོདཔ་ཨིན་མས།
༉ བསམ་རྩེ་རྫོང་ཁག་ རྨ་བྱ་ཐང་གཡུས་ཁའི་ མི་སེར་སོ་ནམ་པ་ཚུ་གི་དོན་ལུ་ རེ་འདི་ མི་རབས་ལས་ མི་རབས་བཅད་དེ་ འོང་འབབ་ཀྱི་གཞི་ གཙོ་བོ་ཅིག་སྦེ་སྡོད་ནུག
༉ གཞལ་སྒང་རྫོང་ཁག་ ངང་ལ་རྒེད་འོག་ནང་ལུ་ ལོ་ཐོག་བསགས་མཛོད་ཅིག་ཡོད་མི་འདི་ གཡོག་བཀོལ་མ་ཚུགས་པར་ ཡུདཔ་ཅི་ལོ་༡༠དེ་ཅིག་ལངས་དོ་ཡོདཔ་ཨིན་མས།
༉ ཏཱ་ར་ཡ་ན་གཞི་ཚོགས་ཀྱི་ ལོ་བསྟར་འགྲེམ་སྟོན་འདི་ བཅའ་མར་གཏོགས་མི་ཚུ་གི་དོན་ལུ་ ལས་རིམ་ལས་ལྷག་སྟེ་ ཁག་ཆེཝ་སྦེ་འཐོན་ཏེ་འདུག
༉ བསམ་གྲུབ་ལྗོངས་མཁར་ལུ་ ཁ་ཙ་ཕྱི་རུ་ ཆུ་ཚོད་ཕྱེད་ད་༨དེ་ཅིག་ཁར་ རླུང་མ་ཤུགས་སྦེ་འཕུ་མི་ལུ་བརྟེན་ བསམ་གྲུབ་ལྗོངས་མཁར་རབ་སྡེ་གི་ ཉལ་ཁྱིམ་གྱི་ཁྱིམ་ཐོག་ཚུ་ ཤུབས་བདའ་སྟེ་འདུག
ཨིན་རུང་ རྐྱེན་ངན་འདི་ནང་ལུ་ མི་ལུ་ཤི་སྐྱོན་དང་ རྨ་སྐྱོན་ཚུ་བྱུང་ཡོད་པའི་ སྙན་ཞུ་ག་ནི་ཡང་མེདཔ་ཨིན་མས།
བསམ་གྲུབ་ལྗོངས་མཁར་རྫོང་ཁག་གིས་ རབ་སྡེ་ལུ་ དུས་འཕྲོད་ལས་ ཏིར་པཱལ་ཚུ་བྱིན་ནུག
རླུང་འཚུབས་ཀྱི་རྐྱེན་ངན་འདི་ བསམ་གྲུབ་ལྗོངས་མཁར་ལུ་མ་གཏོགས་ རྫོང་ཁག་གཞན་མི་ཚུ་ མ་བྱུངམ་ཨིན་མས།
༉ རྒྱལ་ཁབ་ནང་འཁོད་དང་རྒྱལ་སྤྱིའི་ སློབ་ཕྲུག་དང་ ཤེས་ཡོན་གྱི་ཞིབ་འཚོལ་པ་ཚུ་གི་དོན་ལུ་ འབྲུག་ལུ་ཤེས་རིག་གི་སྐོར་ལས་ རྒྱབ་རྟེན་གྱི་ ཀི་དེབ་ཚུ་འོང་ནི་ཨིན་མས།
༉ མི་དབང་མངའ་བདག་རིན་པོ་ཆེ་མཆོག་གིས་ ད་ས་དྲོ་པ་ རྒྱ་གར་གྱི་དམག་སྡེའི་འགོ་འཛིན་ གུང་བློན་བི་པཱིན་ར་བཊ་ལུ་ མཇལ་འཕྲད་གནང་ནུག