| རྫོང་ཁ། | ཨིང་ལིཤ། | གཟའ་ཕུར་བུ། ༢༠༢༡ ཟླ་༩ པའི་སྤྱི་ཚེས་༨ |
༉ བསམ་རྩེ་ རྡོ་རོ་ཁ་སློབ་གྲྭ་ལྟེ་བ་གིས་ རྡོ་ཕུག་ཅན་ཁྲོམ་ཁ་ལུ་སྡོད་མི་ཚུ་ ཐོན་འགྱོ་དགོཔ་སྦེ་སླབ་སྟེ་ཡོད་མི་ལུ་ ཁྲོམ་འདི་ཁ་ལུ་སྡོད་མི་དང་ཚོང་པ་ཚུ་ སེམས་དང་མ་ལྡན་པར་འདུག
༉ སྤ་རོ་གི་ མི་སྡེའི་འགོ་འཁྲིདཔ་ཚུ་གིས་ རྫོང་ཁག་ཚོགས་འདུའི་སྐབས་ལུ་ ས་གནས་གཞུང་གི་བཅའ་ཁྲིམས་འདི་ནང་ལུ་ འགྱུར་བཅོས་མ་འབད་ཚུན་ཚོད་ རྒེད་འོག་གི་རྩིས་འཛིན་པ་ཚུ་ མི་བཏང་ནི་སྦེ་ གྲོས་ཐག་བཅད་དེ་འདུག
༉ ངན་ལྷད་བཀག་སྡོམ་ལྷན་ཚོགས་ཀྱིས་ ཁྱོསམ་དང་ཕྱག་མཇལ་གྱི་བཅའ་ཡིག་༢༠༡༧་གི་ནང་ལུ་ ཁྱོསམ་དང་ཕྱག་མཇལ་འཛིན་སྐྱོང་གི་དོན་ཚན་གསརཔ་ཅིག་ བཙུགས་ཏེ་འདུག
༉ གསོ་བའི་ལྷན་ཁག་གིས་ ཨ་ལོ་རྨས་སྐྱེས་ སྐྱེལ་ལོ་༡་གི་དམན་ཆད་འབད་མི་ཚུ་ ཤི་རྐྱེན་འབྱུང་མི་གི་ཚད་གཞི་འདི་ ལོ་དག་པ་ཅིག་གི་ནང་འཁོད་ ལེ་ཤཱ་གིས་རང་ མར་ཕབ་འབད་ནི་གི་འཆར་སྣང་ཅིག་བཟོ་སྟེ་འདུག
༉ སི་རི་ལང་ཀ་ལུ་ཡོད་པའི་ སཱར་ཇཱོན་ཀོ་ཊི་ཝ་ལ་དམག་སྡེ་གཙུག་ལག་སློབ་སྡེ་འདི་གིས་ གསོ་བའི་ཤེས་ཡོན་དང་ གཞན་ཤེས་ཡོན་སྦྱང་མི་ འབྲུག་པའི་སློབ་ཕྲུག་ཚུ་ལུ་ སློབ་གཉེར་གྲོགས་རམ་ཚུ་ འཕྲོ་འཐུད་དེ་ར་བྱིན་ནི་ཨིན་མས།
༉ གསར་སྤང་རྫོང་ཁག་ནང་ལུ་ མི་སེར་སོ་ནམ་པ་ཚུ་གིས་ རྩྭ་ཀུ་ཤ་གི་ཕྱགམ་ ཚོང་འབྲེལ་འཐབ་ནི་འདི་ ཡོངས་གྲགས་ཐོན་དོ་ཡོདཔ་ཨིན་མས།
༉ ཐིམ་ཕུག་ཁྲོམ་སྡེ་གིས་ སྤྱི་ལོ་༢༠༠༤་ལུ་ ཨོ་ལ་ཁ་ལུ་ མི་དམངས་སྐྱེལ་འདྲེན་བཱས་བཞག་སའི་ མཐུན་རྐྱེན་གསརཔ་ཅིག་རྐྱབ་ནི་གི་འཆར་གཞི་བརྩམ་སྟེ་ཡོད་རུང་ ས་ཆའི་ཐད་ཁར་ ཇོ་བདག་ཚུ་དང་ཅིག་ཁར་ ཁ་འཆམ་མ་ཚུགས་ནི་འདི་གིས་ འབད་མ་ཚུགས་པར་འདུག
༉ ཤེས་རིག་ལྷན་ཁག་གིས་ བསམ་རྩེ་ལུ་ བསྟན་འབྲུག་སློབ་གྲྭ་ལྟེ་བའི་ སྤྱི་དོན་ཁང་ནང་ལུ་ སྤྲོ་སྟོན་ལས་རིམ་ཅིག་ འགོ་འདྲེན་འཐབ་སྟེ་ཡོད་པའི་སྐོར་ལས་ ཞིབ་དཔྱད་ཅིག་ ལོག་སྟེ་འགོ་འདྲེན་འཐབ་པའི་སྐབས་ དབུ་འཛིན་འདི་ལུ་ སྤྲོ་སྟོན་ལས་རིམ་ འགོ་འདྲེན་འཐབ་བཅུག་སྟེ་ཡོད་པའི་ འཛོལ་བ་ཡོདཔ་སྦེ་མཐོང་ནུག
༉ བཀྲིས་གཡང་རྩེ མཆོད་རྟེན་བསྐོར་ར་ལུ་ དུས་ཅི་ རྒྱ་གར་ ཏ་ཝང་ལས་ དད་ཅན་གྱི་མི་འོང་མི་གི་གྱངས་ཁ་འདི་ ལེ་ཤཱ་གིས་ མར་ཕབ་སོང་སྟེ་འདུག
༉ དར་དཀར་ན་རྫོང་ཁག་ ལྷ་མོའི་རྫིང་ཁ་དྲུང་ཁག་འོག་གི་ ཀརྨ་གླིང་སློབ་གྲྭ་ཆུང་བའི་སློབ་དཔོན་༡་དང་ སློབ་ཕྲུག་༣༠་ལུ་ ནད་གཞི་སྤོ་རོ་དཀར་ཅུང་ཐོབ་སྟེ་འདུག