རྫོང་ཁ། | ཨིང་ལིཤ། གཟའ་པ་སངས། ༢༠༡༧ ཟླ་༡༢ པའི་སྤྱི་ཚེས་༡༤

Archive for: སྤྱི་ཟླ་༤ པའི་ཚེས་, ༢༠༡༦

མི་དབང་རྒྱལ་པོའི་སྲས་ འཇིགས་རྒྱལ་ཨྱོན་དབང་ཕྱུག་མཆོག་གིས་ སྤ་རོ་ལུ་ བཤག་བཅོས་ཀྱི་ལས་རིམ་འགོ་འདྲེན་འཐབ་ས་ལུ་ བྱོན་གནང་ཡོདཔ།

༉ མི་དབང་རྒྱལ་པོའི་སྲས་ འཇིགས་རྒྱལ་ཨྱོན་དབང་ཕྱུག་མཆོག་གིས་ ད་རིས་ སྤ་རོ་ལུ་སྦེ་ བཤག་བཅོས་ཀྱི་ལས་རིམ་འགོ་འདྲེན་འཐབ་ས་ལུ་ བྱོན་གནང་པའི་ཤུལ་ ནདཔ་དག་པ་ཅིག་དང་ཡང་ ཕྱད་གནང་ནུག

ས་གནས་གཞུང་གི་འཐུས་མི་ཚུ་གིས་ དགོངས་ཞུའི་གསོལ་རས་མ་དངུལ་འདི་རྐྱངམ་ཅིག་མ་གཏོགས་ འཚོ་བརྟེན་མ་དངུལ་ མི་ཐོབ་ནི་ཨིནམ།

༉ དུས་ཅི་ སྤྱི་ཟླ་༦་པའི་ནང་ ལོ་ལྔ་གི་གནས་ཡུན་ཚང་ནི་ཨིན་མི་ ས་གནས་གཞུང་གི་འཐུས་མི་ཚུ་གིས་ དགོངས་ཞུའི་ཐོབ་ལམ་སྦེ་ དགོངས་ཞུའི་གསོལ་རས་མ་དངུལ་འདི་རྐྱངམ་ཅིག་མ་གཏོགས་ འཚོ་བརྟེན་མ་དངུལ་འདི་ མི་ཐོབ་ནི་ཨིན་མས།

ལྡོག་ཕྱོགས་ཚོགས་པ་གིས་ གཞུང་གི་ཁ་ཐུག་ལས་ མི་སེར་ཚུ་གི་ དགོས་མཁོ་དང་གཙོ་རིམ་ཚུ་ སྒྲུབ་ནི་ནང་ལུ་ འཐུས་ཤོར་དོ་ཡོདཔ་སྦེ་བཤད་དེ་ཡོདཔ།

༉ ལྡོག་ཕྱོགས་ཚོགས་པ་གིས་བཀོད་མི་ནང་ གཞུང་གི་ཁ་ཐུག་ལས་ མི་སེར་ཚུ་གི་ དགོས་མཁོ་དང་གཙོ་རིམ་ཚུ་ སྒྲུབ་ནི་ནང་ལུ་ འཐུས་ཤོར་དོ་ཟེར་ཨིན་མས།

ཆུ་སྨད་འཕྲུལ་རིག་སྦྱོང་བརྡར་སྤེལ་ཁང་འདི་ རྒྱལ་ཁབ་ནང་ལུ་ འཕྲུལ་རིག་སྦྱོང་བརྡར་སྤེལ་ཁང་ དྲག་ཤོས་ཅིག་འབད་ ངོས་འཛིན་འབད་དེ་ཡོདཔ།

༉ བུམ་ཐང་ ཆུ་སྨད་འཕྲུལ་རིག་སྦྱོང་བརྡར་སྤེལ་ཁང་འདི་ རྒྱལ་ཁབ་ནང་ལུ་ འཕྲུལ་རིག་སྦྱོང་བརྡར་སྤེལ་ཁང་ དྲག་ཤོས་ཅིག་འབད་ ངོས་འཛིན་འབད་དེ་འདུག

རྒྱལ་གཞུང་འཛིན་སྐྱོང་སློབ་སྡེ་གིས་ དུས་ཅི་ལས་ ཌིབ་ལོ་མ་གི་སྦྱོང་བརྡར་དོན་ལས་ སློབ་ཕྲུག་ ལེན་ནི་བཀག་ཆ་འབད་དེ་ཡོདཔ།

༉ ཐིམ་ཕུག་ རྒྱལ་གཞུང་འཛིན་སྐྱོང་སློབ་སྡེ་གིས་ དུས་ཅི་ལས་ སློབ་ཕྲུག་ཚུ་ ཌིབ་ལོ་མ་གི་སྦྱོང་བརྡར་དོན་ལས་ ལེན་ནི་འདི་ བཀག་ཆ་འབད་དེ་འདུག

རྡོག་མ་ཚོང་པ་ཚུ་གིས་ ཏམ་ཁུའི་རིགས་མི་བཙོང་ནི་སྦེ་ ཁས་ལེན་འབད་དེ་ཡོདཔ།

༉ ཐིམ་ཕུག་ལུ་ཡོད་པའི་ རྡོག་མ་ཚོང་ཁང་༤༠༠ལྷགཔ་ཅིག་གིས་ རྒྱལ་ཁབ་ནང་ལུ་ ཏམ་ཁུ་གི་རིགས་མ་པ་ལས་ ལག་ལེན་འཐབ་ནི་མེད་པའི་ མི་སྡེ་ཅིག་སྦེ་བཟོ་ནི་གི་ནང་ལུ་ རྒྱབ་སྐྱོར་འབད་ནི་སྦེ་ ཁས་བླང་འབད་ནུག

མི་དབང་མངའ་བདག་རིན་པོ་ཆེ་མཆོག་གིས་ འབྲུག་རྒྱལ་རྫོང་ གསར་བཞེངས་འབད་ས་ལུ་ གཟིགས་ཞིབ་གནང་ཡོདཔ།

༉ མི་དབང་མངའ་བདག་རིན་པོ་ཆེ་མཆོག་གིས་ ཁ་ཙ་ སྤ་རོ་ལུ་ འབྲུག་རྒྱལ་རྫོང་ གསར་བཞེངས་འབད་སའི་ས་སྒོ་ནང་ལུ་ གཟིགས་ཞིབ་གནང་ཡི།

རྒྱལ་ཁབ་ནང་ལུ་ གྲོངས་གསེབ་འཕྲོད་བསྟེན་ལས་རིམ་འདི་ མཐར་འཁྱོལ་ཅན་ཅིག་ལུ་ འགྱུར་ཏེ་ཡོདཔ།

༉ རྒྱལ་ཁབ་ནང་གི་ རྫོང་ཁག་༦་གི་ནང་ལུ་ གྲོང་གསེབ་འཕྲོད་བསྟེན་ལས་རིམ་འདི་ མཐར་འཁྱོལ་ཅན་ཅིག་ལུ་ འགྱུར་ཏེ་ཡོད་མི་དང་འབྲེལ་ ལས་རིམ་འདི་ སྤྱི་ལོ་༢༠༡༨་ལུ་ རྫོང་ཁག་༢༠་ག་རའི་ནང་ལུ་ འགོ་དྲེན་འཐབ་ནི་གི་ དམིགས་ཡུལ་བསྐྱེད་དོ་ཡོདཔ་ཨིན་མས།

སྤྱིར་བཏང་ཨམ་སྲུ་ཚུ་གིས་ ཨ་ད་རག་ཅུང་ལག་ལེན་འཐབ་དགོཔ་སྦེ་ ཁྱབ་བསྒྲགས་འབད་མི་གི་དོན་ལས་ སྒྲིག་ལམ་ལས་ཚན་གྱིས་ཁ་ཐུག་ལས་ ཀི་དེབ་ཅིག་བརྩམ་པའི་བསྒང་རང་ཡོདཔ།

༉ ནང་སྲིད་དང་སྲོལ་འཛིན་ལྷན་ཁག་གིས་ སྤྱིར་བཏང་ཨམ་སྲུ་ཚུ་གིས་ ཨ་ད་རག་ཅུང་ལག་ལེན་འཐབ་དགོཔ་སྦེ་ ཁྱབ་བསྒྲགས་འབད་མི་གི་དོན་ལུ་ སྒྲིག་ལམ་ལས་ཚན་གྱིས་ཁ་ཐུག་ལས་ ཀི་དེབ་ཅིག་བརྩམ་པའི་བསྒང་འདུག

རྫོང་ཁག་ཚུ་གི་དཔལ་འབྱོར་གོང་འཕེལ་འདི་ ད་ལས་ཕར་ རྒྱལ་ཡོངས་རྩིས་དཔྱད་བཀོད་འཛིན་ཀྱིས་ བརྟག་ཞིབ་འབད་ནི་ཨིནམ།

༉ ཁ་ཙ་ ཐིམ་ཕུག་ལུ་སྦེ་ རྫོང་བདག་ཚུ་གི་ ལོ་བསྟར་ཞལ་འཛོམས་ཚོགས་ས་ལུ་ བློན་ཆེན་ཚེ་རིང་སྟོབས་རྒྱས་ཀྱིས་གསུང་མི་ནང་ ད་ལས་ཕར་ རྫོང་ཁག་རེ་རེ་བཞིན་དུ་གི་ དཔལ་འབྱོར་གོང་འཕེལ་འདི་ རྒྱལ་ཡོངས་རྩིས་དཔྱད་བཀོད་འཛིན་ཀྱིས་ བརྟག་ཞིབ་འབད་འོང་ཟེར་གསུང་ཡི།