| རྫོང་ཁ། | ཨིང་ལིཤ། | གཟའ་ཕུར་བུ། ༢༠༢༡ ཟླ་༩ པའི་སྤྱི་ཚེས་༨ |
༉ མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་མཆོག་གིས་ བཀྲིས་སྒང་གི་ས་གནས་ མེ་རག་དང་སག་སྟེང་ལུ་ བདུན་ཕྲག་གཅིག་དེ་ཅིག་གི་རིང་ལུ་ བཞུགས་པའི་ཤུལ་ལས་ ཁ་ཙ་ སག་སྟེང་ལས་ལོག་སྟེ་ བཀྲིས་སྒང་ལུ་ཕེབས་གནང་ཡི།
༉ མི་དབང་མངའ་བདག་རིན་པོ་ཆེ་མཆོག་དང་ མི་དབང་རྒྱལ་བཙུན་མཆོག་གིས་ མེ་རག་རྒེད་འོག་ནང་ གཟིགས་སྐོར་གནང་ཚར་ཏེ་སྦེ་ སག་སྟེང་རྒེད་འོག་ནང་ གཟིགས་སྐོར་གནང་པའི་བསྒང་ར་ཡོདཔ་ཨིན།
༉ ན་ཧིང་ དངུལ་ཀྲམ་སཡ་༢༨་ གྱོང་རྒུད་ཕོགས་པའི་ཤུལ་ལུ་ གདུང་བསམ་གྱིབ་ཆེས་ཚད་འཛིན་གྱི་ དུས་ཅི་ལོ་གི་ ཟླ་ངོ་དང་པ་༣་གི་ནང་ལུ་ ཁེ་ས་དངུལ་ཀྲམ་ས་ཡ་༣་དང་ འབུམ་༨་བཟོ་ཚུགས་ཏེ་ཡོདཔ་ཨིན་མས།
ཁེ་ས་འདི་ཚུ་ཡང་ ཟད་འགྲོ་ཁག་ལེ་ཤཱ་ཅིག་ མར་ཕབ་འབད་མི་དང་ གདུང་བསམ་རྩིས་ས་ལུ་ རྩིས་ས་གི་ཕད་རྩེ་ བཙོང་ནི་ཚུ་ ཡར་སེང་འགྱོ་མི་ལུ་བརྟེན་ཏེ་ཨིནམ་སྦེ་བཀོད་ནུག
ན་ཧིང་ལོ་གི་ ཟླ་ངོ་དང་པ་༣་ནང་ལུ་ གདུང་བསམ་པོ་ལུ་མརསི་གིས་ རྩིས་ས་གི་ཕད་རྩེ་ ས་ཡ་༡་དང་ འབུམ་༤་ལྷགཔ་ཅིག་ བཟོ་ཡོད་མི་ལས་ ཕད་རྩེ་འབུམ་༣་འདི་ གདུང་བསམ་རྩིས་ས་གི་ལེན་ནུག
དུས་ཅི་འབད་བ་ཅིན་ དུས་ཚོད་ ཟླ་ངོ་༣་གི་ནང་ལུ་ རྩིས་ས་གི་ཕད་རྩེ་ ས་ཡ་༧་དང་འབུམ་༨་བཟོ་ས་ལས་ གདུང་བསམ་རྩིས་ས་གིས་ ཕད་རྩེ་ས་ཡ་༢་དང་འབུམ་༢་ལྷགཔ་ཅིག་ལེན་ནུག
གདུང་བསམ་གྱིབ་ཆེས་ཚད་འཛིན་གྱི་ བཀོད་ཁྱབ་འགོ་དཔོན་ ནོར་བུ་ཚེ་རིང་གིས་སླབ་མི་ནང་ ན་ཧིང་ ལས་སྡེ་འདི་ལུ་ གྱོང་རྒུད་ཕོགས་པའི་ཤུལ་ལུ་ ཟད་འགྲོ་མར་ཕབ་ཁག་ལེ་ཤཱ་ཅིག་ར་ འབད་ཡི་ཟེར་ཨིན་མས།
ལས་སྡེ་འདི་གིས་ བཀོད་ཚོགས་ཀྱི་ འཐུས་དང་ དུས་ཚོད་ཐེབས་ལཱ་འབད་མི་གི་འཐུས་ དེ་ལས་ གོ་གནས་ལུ་བརྟེན་པའི་ འཐུས་ཚུ་སྤྲོད་ནི་འདི་ བཀག་ཆ་འབད་ཡོདཔ་ཨིན་མས།
དེ་ཚུ་ག་ར་ ལས་སྡེ་གི་ དངུལ་འབྲེལ་གནས་སྟངས་ ཡར་དྲག་བཏང་ནི་གི་དོན་ལུ་ འབད་ཡོདཔ་ཨིན་མས།
བཀོད་ཁྱབ་འགོ་དཔོན་གྱིས་སླབ་མི་ནང་ ལཱ་ཚུ་ད་རེས་བཟུམ་སྦེ་ར་འགྱོ་བ་ཅིན་ ལས་སྡེ་འདི་གིས་ དུས་ཅི་ ཁེབ་ས་བཟོ་ཚུགས་ནི་ཨིནམ་མ་ཚད་ གཞུང་ལུ་ཡང་ ཁྲལ་ཕུལ་ཚུགས་ནི་མས་ཟེར་བཤད་ཅི།
ཨིན་རུང་ བགོ་བཤའ་འཆང་མི་ཚུ་ལུ་ བགོ་བཤའི་ཁེ་ས་ […]
༉ བུམ་ཐང་རྫོང་ཁག་ནང་ལུ་ རྒེད་འོག་བཞི་ཡོད་ས་ལས་ བྱ་ངན་གྱི་གྱངས་ཁ་མཐོ་ཤོས་འདི་ ཆོས་འཁོར་རྒེད་འོག་གི་ ཤུལ་ལས་རང་ ཆུ་མིག་རྒེད་འོག་ནང་ལུ་ ཐོན་ཏེ་ཡོདཔ་སྦེ་ཨིན་མས།
༉ གཞུང་གིས་ ཚོང་འབྲེལ་གོ་སྐབས་དང་བརྡ་དོན་ལྟེ་བ་གཞི་བཙུགས་འབད་མི་འདི་ ཁྲིམས་མཐུན་ག་དེ་སྦེ་ཡོད་ག་གི་སྐོར་ལས་ ཧེ་མའི་ཚོགས་ཐེངས་ནང་ལུ་གསུང་གྲོས་རྒྱས་ཤིང་རྒྱསཔ་སྦེ་རང་བྱུང་ཡོདཔ་ཨིན།
༉ རྒྱལ་ཡོངས་ཚོགས་འདུ་ནང་ལུ་ ལྷོ་ཐིམ་ཕུག་གི་འཐུས་མི་ ཡེ་ཤེས་སྦྱིན་པ་གིས་ ཞབས་ཏོག་བློན་པོ་ལུ་ཞུ་མི་ནང་ ཁྲོམ་སྡེ་༡༦་དང་ ཡན་ལག་ཁྲོམ་༢༠་གཞི་བཙུགས་ཀྱི་དོན་ལུ་ མ་རྩ་དང་འཆར་དངུལ་གྱི་ཐོན་སྐྱེད་ འཕྲུལ་རིག་དང་མི་སྟོབས་བདག་སྐྱོང་ དེ་ལས་ ཁྲོམ་ཚུ་གཞི་བཙུགས་འབད་ནི་དོན་ལུ་ དུས་ཚོད་ཀྱི་འཆར་བཀོད་ཚུ་ ག་དེ་སྦེ་ར་ཡོད་ག་གི་སྐོར་ གསལ་ཞུ་གནང་དགོཔ་སྦེ་ཞུ་ཡི།
༉ ཊ་ཡམསི་ཨོཕ་ཨིན་དྲི་ཡ་ཟེར་མི་ རྒྱ་གར་གྱི་གསར་ཤོག་ནང་ལུ་ རྒྱ་གར་རྒྱལ་ཁབ་ནང་ལུ་ གློག་མེ་འདི་ མ་ལང་ལངམ་སྦེ་ཡོདཔ་སྦེ་ཨིནམ་མ་ཚད་ ལྷག་ལུས་ཡང་ཡོདཔ་སྦེ་ སྙན་ཞུ་འབད་དེ་སྦེ་འདུག
༉ སྐྱབས་རྗེ་ རྗེ་མཁན་རིན་པོ་ཆེ་མཆོག་གི་སྐུ་ཚབ་ རྡོ་རྗེ་སློབ་དཔོན་གྱིས་ ད་རིས་ ཐིམ་ཕུག་ སྤང་རི་ཟམ་པ་ལུ་ཡོད་པའི་ ཏཱ་ར་ལྷ་ལྡན་ཞིང་ཁམས་ལྷ་ཁང་ནང་ལུ་ སྒྲོལམ་ཉི་ཤུ་རྩ་གཅིག་གི་ མཐོང་གྲོལ་འདི་ བཀྲིས་རབ་གནས་གནང་ཡི།
༉ ཁ་ཙ་ རྒྱལ་ཡོངས་ཚོགས་འདུ་ནང་ འགྲོ་བ་མིའི་དབང་ཆའི་ཚོགས་ཆུང་གིས་ ཚོགས་ཐེངས་བཞི་པའི་གྲོས་ཆོད་ ལག་ལེན་བསྟར་སྤྱོད་གནས་སྟངས་ སྙན་ཞུ་འདི་ཕུལ་ཡི།
༉ མོང་སྒར་གྱི་ ཁྲིམས་སྲུང་འགག་པ་གིས་ བཀྲིས་གཡང་རྩེ་རྫོང་ཁག་ གཡང་རྩེ་རྒེད་འོག་ སྒང་མཁར་གཡུས་ཚན་གྱི་ཚོགས་པ་ལུ་ མཆོད་རྟེན་གྱི་ ནང་རྟེན་དང་འབྲེལ་བའི་ ཉེས་འཛུགས་བཀལ་ཏེ་ཡོད་མི་སྐོར་ ཞིབ་དཔྱད་འབད་བའི་སྐབས་ ཚོགས་པ་འདི་ལུ་ འཛོལ་བ་གནམ་མེད་ས་མེད་ཅིག་ར་ མེདཔ་སྦེ་མཐོང་སྟེ་སྦེ་འདུག