| རྫོང་ཁ། | ཨིང་ལིཤ། | གཟའ་ཕུར་བུ། ༢༠༢༡ ཟླ་༩ པའི་སྤྱི་ཚེས་༨ |
༉ སྐྱབས་རྗེ་རྗེ་མཁན་རིན་པོ་ཆེ་མཆོག་གིས་ ལྷུན་རྩེ་རྫོང་ཁག་ རྣམ་གྲོལ་གླིང་དགོན་འཛིན་གྲྭ་ཚང་ནང་ལུ་སྦེ་ ཉིན་གྲངས་༩་གི་དྲག་དམར་གྲུབ་ཆེན་འདི་ དབུ་བཞུགས་མཛད་གནང་དོ་ཡོདཔ་ཨིན།
༉ མི་དབང་རྒྱལ་བཙུན་མཆོག་གིས་ ད་རིས་ རྒྱལ་ས་ལུ་སྦེ་ གེ་གསར་རྒྱལ་པོ འབྲུག་གི་གསོ་བའི་མཚན་རིག་གཙུག་ལག་སློབ་སྡེ་འདི་ འགོ་འབྱེད་མཛད་གནང་ཡི།
༉ རྒྱལ་གཞུང་ཞི་གཡོག་ལྷན་ཚོགས་ཀྱིས་ ལྷན་རྒྱས་གཞུང་ཚོགས་ཀྱི་དྲུང་ཆེན་ དྲག་ཤོས་དཔལ་ལྡན་དབང་ཕྱུག་དང་ བསྟན་རྒྱས་ལྷན་ཁག་གི་དྲུང་ཆེན་ དྲག་ཤོས་ བསོད་ནམས་ཚེ་རིང་ དེ་ལས་ ཕྱི་འབྲེལ་དྲུང་ཆེན་ ཡེ་ཤེས་རྡོ་རྗེ་གསུམ་འདི་ དྲུང་ཆེན་གྱི་གོ་གནས་ཁར་མེན་པར་ གོ་གནས་གཞན་མི་ཅིག་འབྱིན་ཏེ་ ཞི་གཡོགཔ་སྦེ་རང་བཞག་ནི་སྦེ་ གྲོས་ཐག་བཅད་དེ་སྦེ་འདུག
༉ ཧཱ་རྫོང་ཁག་ཁྲིམས་ཀྱི་འདུན་ས་ལུ་ ཁ་ཙ་ ཕྱི་འབྲེལ་བློན་པོ་རིན་འཛིན་རྡོ་རྗེ་གིས་ བཤེར་ལེན་ཕུལ་མི་ནང་ ཁོ་ལུ་ ཉེས་འཛུགས་སྐྱེལ་ཏེ་ཡོད་མི་ཚུ་ ཁྲིམས་དང་ལམ་ལུགས་ལས་ འགལ་ཡོད་པའི་ གནད་དོན་མེནམ་ལས་ ངོས་ལེན་འབད་མི་ཚུགས་ཟེར་ཞུ་ཡི། བློན་པོ་གིས་ཞུ་མི་ནང་ ཁོ་གིས་ ཁྲིམས་འདུན་ལུ་ རྩོད་གཞི་ཕྱེ་ནིའི་དོན་ལུ་ རྒྱབ་མི་ཡང་ མི་འཚོལ་ནི་སྦེ་ ཐག་བཅད་ཅི་ཟེར་ཨིན་མས།
༉ ལཱ་གཡོག་ལྷན་ཁག་གིས་ འབྲུག་མི་ཚུ་ ཕྱི་རྒྱལ་ལུ་ལཱ་འབད་བར་བཏང་ནིའི་ སྲིད་བྱུས་འགོ་བཙུགས་ཏེ་ ལོ་གཅིག་འགྱོ་སྟེ་འབད་རུང་ མི་གནམ་མེད་ས་མེད་ཅིག་ བཏང་མ་ཚུགས་པ་ཡོདཔ་ཨིན།
༉ སྤྱི་ལོ་༢༠༡༤ལས་༢༠༡༥བར་གྱི་ ལོ་བསྟར་ གཞུང་སྐྱོང་མཆོག་འགྱུར་གྱི་འགན་ཡིག་ལུ་ མཚན་རྟགས་བཀོད་པའི་ཤུལ་ལས་ ལོ་ཕྱེད་ཀྱི་བསྐྱར་ཞིབ་འབད་བའི་སྐབས་ལུ་ བློན་ཆེན་མཆོག་གིས་ ལྷན་ཁག་ལྔ་དང་རྒྱལ་ཡོངས་དགའ་སྐྱིད་དཔལ་འཛོམས་ལྷན་ཚོགས་ལུ་ འགན་ཡིག་དང་འཁྲིལ་བའི་ ཁས་བླང་འདི་ཚུ་གྲུབ་ཡོད་མི་ལུ་ ངལ་རང་ཡོདཔ་སྦེ་གསུང་ནུག
༉ ལྷན་རྒྱས་གཞུང་ཚོགས་ཀྱི་བཀོད་རྒྱ་དང་འཁྲིལ་ ལཱ་གཡོག་ལྷན་ཁག་གིས་ འབྲུག་པའི་བཟོ་བསྐྲུན་ལས་སྡེ་ཚུ་ལུ་ འཐུས་བྱིན་ནི་གི་ བྱ་རིམ་ཐབས་ལམ་ཚུ་ བཟོ་བའི་བསྒང་ར་ཡོདཔ་ཨིན་མས།
༉ གསོ་བའི་ལྷན་ཁག་གིས་ སྤྱི་ལོ་༢༠༡༨ལས་ རྒྱལ་ཁབ་ནང་ལུ་ ཚད་པའི་ནད་གཞི་འདི་ མ་པ་ལས་མེདཔ་སྦེ་ རྩ་མེད་བཏང་ནི་གི་ དམིགས་ཡུལ་སྐྱེད་དོ་ཡོདཔ་ཨིན།
༉ རྒྱལ་ཁབ་ནང་འཁོད་ཀྱི་ ས་གནས་ཁག་ཚུ་ནང་ལས་ སློབ་ཕྲུག་༡༥༠ལྷགཔ་ཅིག་གིས་ ཁ་ཙ་ སྤུ་ན་ཁ་འབྲིང་རིམ་སློབ་གྲྭ་གོང་མའི་ནང་ལུ་ སློབ་རིམ་༡༡པའི་ནང་འཛུལ་ནི་གི་དོན་ལས་ ས་སྒོ་འཚོལ་བ་འོང་ནུག
༉ རྒྱ་གར་གཞུང་གིས་ འབྲུག་གི་ གོང་འཕེལ་ལས་འགུལ་ཆུང་བ་ ཤོ་ཐེངས་གཉིས་པའི་དོན་ལུ་ མ་དངུལ་གོ་རིམ་དང་པ་འདི་ གོ་བཀྲམ་འབད་དེ་ཡོདཔ་ཨིན།